(බෙලිහුල්ඔය ප්‍රින්ස් රත්නායක)
ශ්‍රී ලංකා විශ්වවිද්‍යාල ක්‍රීඩා තරගාවලියේ චෙස් ශූරතාවලිය මේ සති අන්තයේදී (6 - 7) අන්තර්ජාලය ඔස්සේ පැවැත්වේ.
වාර්ෂිකව පැවැත්වෙන ක්‍රීඩා තරග අතුරින් 2021 වසරේ පැවැත්වීමට නියමිතව ඇත්තේ චෙස්, ටයිකොන්ඩෝ සහ කරාටේ යන ක්‍රීඩා පමණි. ටයිකොන්ඩෝ සහ කරාටේ තරග වල කාතා අංශයේ දස්කම් වීඩියෝ කර අන්තර්ජාලය ඔස්සේ පරීක්ෂණ මණ්ඩලය වෙත යවනු ලැබේ. මෙම තරග අන්තර්ජාලය ඔස්සේ පැවැත්වීමට විශ්වවිද්‍යාල ක්‍රීඩා සංගමය තීරණය කර ඇත.
මොරටුව විශ්වවිද්‍යාලයේ ජේෂ්ඨ ශාරීරික අධ්‍යාපන උපදේශකවරයා, චෙස් තරගාවලියේ සංවිධායක ලේකම්වරයා මෙන්ම කමිටු සභාපති ලක්ෂ්මන් විජේසූරිය මහතා තරගාවලිය අන්තර්ජාලය ඔස්සේ පැවැත්වීමට කටයුතු යොදා තිබේ. මෙම තරගාවලියට අග්නිදිග විශ්වවිද්‍යාලය හැර අනෙකුත් ජාතික විශ්වවිද්‍යාල 14 ක කාන්තා සහ පිරිමි කණඩායම් සහභාගී වෙති.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
