(ශානුක අරවින්ද)
ශී‍්‍ර ලංකා මේසපන්දු සංගමය සංවිධානය කරන ජාතික කනිෂ්ඨ මේසපන්දු තරගාවලිය මේ මස 27 සහ 28 යන දිනවලදී බණ්ඩාරගම ගෘහස්ථ කී‍්‍රඩාංගණයේදී පැවැත්වේ. ඉකුත් වසරේදී පැවැත්වීමට නියමිතව තිබූ මෙම තරගාවලිය කොවිඞ්-19 වසංගත තත්ත්වය හේතුවෙන් කිහිපවරක්ම කල් දැමීමට සිදුවිය.
මෙම තරගාවලියේදී අවුරුදු 10 න් පහළ, 12 න් පහළ, 15 න් පහළ සහ 18 න් පහළ වයස් කාණ්ඩවල කී‍්‍රඩක කී‍්‍රඩිකාවන් සඳහා කේවල තරග පැවැත්වෙන අතර සෞඛ්‍ය ආරක්ෂක කි‍්‍රයාමාර්ග හේතුවෙන් මෙවර තරගාවලියේදී යුගල තරග නොපැවැත්වෙනු ඇත.
තරගාවලියේ ප‍්‍රධානතම වයස් කාණ්ඩය වන 18 න් පහළ වයස් කාණ්ඩයේ බාලක සහ බාලිකා අවසන් මහ තරග 28 වැනිදා පස්වරුවේදී පැවැත්වේ. මේසපන්දු සංගමයේ හිටපු සභාපති, පාර්ලිමේන්තු මන්තී‍්‍ර කනක හේරත් මහතාගේ ප‍්‍රධානත්වයෙන් ජයග‍්‍රාහක ජයග‍්‍රාහිකාවන් සඳහා ත්‍යාග ප‍්‍රදානෝත්සවය පැවැත්වේ.
මෙවර තරගාවලිය සඳහා දිවයින පුරා පාසල් සහ කී‍්‍රඩා සමාජ රැුසක් නියෝජනය කරමින් කී‍්‍රඩක කී‍්‍රඩිකාවෝ 270 කට වැඩි සංඛ්‍යාවක් ලියාපදිංචි වී සිටිති. සෑම වයස් කාණ්ඩයකම පළමු, දෙවැනි සහ තෙවැනි ස්ථාන සඳහා සහතිකපත් සහ පදක්කම් පිරිනැමේ.
අවසන් වරට 2019 දී පැවැති ජාතික කනිෂ්ඨ මේසපන්දු තරගාවලියේදී බාලක (වයස 18 න් පහළ) ශූරතාව දිනාගැනීමට කොළඹ ආනන්ද විදුහලේ සෙනුර සිල්වා සමත් වූ අතර බාලිකා (වයස 18 න් පහළ) ශූරතාව දිනාගැනීමට කරන්දෙණිය මැදි විදුහලේ මනීෂා සලින්දි සමත් වූවාය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
