Reply To:
Eranda - cb chds hcdsh cdshcsdchdhd
ශ්රී ලංකා ස්කොෂ් සම්මේලනය සංවිධානය කරන ජාතික කනිෂ්ඨ ස්කොෂ් ශූරතාවලිය හෙට (27 වැනිදා) සිට දෙසැම්බර් මස 3 වැනිදා දක්වා සිංහල ක්රීඩා සමාජ (එස්.එස්.සී.) ස්කොෂ් කී්රඩාංගණයේදී පැවැත්වේ. කොවිඞ්-19 වසංගතය හේතුවෙන් මාස 8 කට පමණ පසුව මෙරටදී පැවැත්වෙන පළමු ස්කොෂ් තරගාවලිය වන මෙය දැඩි සෞඛ්ය විධි විධාන යටතේ පැවැත්වේ.
ප්රීමා සමූහ ව්යාපාරයේ ස්ටෙලා යෝගට් අනුග්රහයෙන් පැවැත්වෙන මෙවර ජාතික කනිෂ්ඨ ස්කොෂ් ශූරතාවලිය සඳහා දිවයින පුරා පාසල් රැසක ක්රීඩක ක්රීඩිකාවන් 300 කට වැඩි පිරිසක් එක් වීමට නියමිත අතර ශ්රේණිගත කිරීම්හි ඉදිරියෙන්ම සිටින කනිෂ්ඨ ක්රීඩක ක්රීඩිකාවෝද ඊට ඇතුළත් වෙති.
එහිදී බාලක සහ බාලිකා වයස අවුරුදු 9 න් පහළ, 11 න් පහළ, 13 න් පහළ, 15 න් පහළ, 17 න් පහළ සහ 19 න් පහළ යන වයස් කාණ්ඩ යටතේ තරග පැවැත්වේ. ඊට අමතරව නවක ක්රීඩක ක්රීඩිකාවන් වෙනුවෙන් වයස අවුරුදු 11 න් පහළ, 15 න් පහළ යන වයස් කාණ්ඩ යටතේ ආධුනික තරගද පැවැත්වේ.
හෙට (27) සහ අනිද්දා (28) යන දිනවලදී පෙරවරු 8.00 සිට පස්වරු 7.00 දක්වා තරග පැවැත්වෙන අතර මේ මස 29 වැනිදා සිට දෙසැම්බර් මස 3 වැනිදා දක්වා පස්වරු 3.00 සිට පස්වරු 8.00 දක්වා තරග පැවැත්වෙනු ඇත. අවසන් මහ තරග 3 වැනිදා පස්වරුවේදී පැවැත්වෙන අතර ඉන් අනතුරුව තරගාවලියේ ත්යාග ප්රධානෝත්සවයද එදිනම පැවැත්වේ.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.