නාවික හමුදාව තෙවැනි තැනට
.jpg)
අන්තර් සමාජ ‘ඩයලොග්’ කුසලාන පළමු කොටසේ ලීග් රග්බි තරගාවලියේ පස්වැනි සතියේ තරග අවසන් වන විට නාවික හමුදා පිල තෙවැනි ස්ථානය දක්වා උසස්වීම් ලැබීමට සමත්ව සිටියේය. සිවුවැනි සතියේ තරග අවසානයේ තෙවැනි ස්ථානයේ පසුවූ සී. ආර්. ඇන්ඞ් එෆ්. සී. පිල පස්වැනි සතියේ තරගයේදී හැව්ලොක්ස් පිල හමුවේ පරාජයට පත්වීමත් සමඟ සිවුවැනි ස්ථානය දක්වා පහත වැටුණි.
නාවික හමුදා පිල පස්වැනි සතියේදී තරගයේදී ලකුණු 29-14 කින් යුද හමුදා පිල පරාජය කරමින් පියවරක් පෙරමුණට පැමිණියේය.
මහනුවර පිල අතිරේක ප්‍රසාද ලකුණුවලින් තව දුරටත් පළමු ස්ථානය රැකගැනීමට සමත්ව සිටියි.
මහනුවර සහ හැව්ලොක්ස් යන කණ්ඩායම් දෙක තරග පහම ජය ලබා අපරාජිතව සිටින අතර මහනුවර පිල තරග පහේදීම අතිරේක ප්‍රසාද ලකුණු හිමිකරගැනීමට සමත් වීම කැපී පෙනේ.
.jpg)
