(නාමල් පතිරගේ)
ශ්‍රී ලංකා පැරා ක්‍රීඩා ඉසව් සඳහා නිල ක්‍රීඩා ඇඳුම් සැපයීමෙන් ඉදිරි දෙවසරක කාලයකට අනුග්‍රහය දැක්වීමට මාස් ගෝල්ඩින්ග්ස් ආයතනය ඉදිරිපත්ව සිටියි.
ශ්‍රී ලංකාවේ මිලියන 1.7කට වැඩි පිරිසක් විශේෂ අවශ්‍යතා සහිත ජන කාණ්ඩයට ඇතුළත් වන අතර මාස් හෝල්ඩින් ආයතනයේ මෙම සත්කාරය ඔවුන් සැමට කළ ගෞරවයක් වන බව කොළඹ බණ්ඩාරනායක සම්මන්ත්‍රණ ශාලාවේදී පැවති විශේෂ මාධ්‍ය හමුවකට එක්වෙමින් ජාතික ඔලිම්පික් කමිටුවේ සභාපති ලුතිනන් කර්නල් දීපාල් හේරත් මහතා පැවසීය.
දැනට වෙළඳපොලේ පවතින සාමාන්‍ය හා සාම්ප්‍රදායික ඇඳුම් භාවිතා කිරීමේදී ආබාධ සහිත පුද්ගලයන් මුහුණ දෙන විවිධ අපහසුතා සැලකිල්ලට ගනිමින් ඔවුන්ට සරිලන අන්දමින් අනුවර්තන ඇඟලුම් නිෂ්පාදනය කිරීම මාස් හෝල්ඩින්ග්ස් සමාගම ආරම්භ කළේ වසර 2019 සිටය. ඒ සඳහා ඇමරිකාවේ හා ශ්‍රී ලංකාවේ වෘත්තිකයන් සමගින් කරණ ලද පුළුල් පර්යේෂණ කීපයක්ම යොදා ගැනීමට අනුග්‍රහක ආයතනය කටයුතු කර තිබේ.
ඡායාරූපය – පැරා ක්‍රීඩක ක්‍රීඩිකාවන්ට නිල ඇඳුම් සැපයීම සම්බන්ධයෙන් වන අවබෝධතා ගිවිසුමට දෙපාර්ශ්වය අත්සන් තැබීමෙන් පසුව මාස් ඉනොවේෂන් පෞද්ගලික ආයතනයේ නව නිපැයුම් ප්‍රධාන නිලධාරි රනිල් විතාරණ මහතා ක්‍රීඩකයකුට ක්‍රීඩා බැනියමක් ප්‍රදානය කළ අයුරු. ජාතික පැරාලිම්පික් කමිටුවේ සභාපති ලුතිනන් කර්නල් දීපාල් හේරත් මහතාද ඡායාරූපයේ සිටී. මෙම අවස්ථාවටජාතික පැරාලිම්පික් කමිටුවේ ලේකම් බ්‍රිගේඩියර් බන්දුල බණ්ඩාර, උප සභාපති ප්‍රියන්ත පීරිස් හා ලීනියා ඇපරල් සමූහ ව්‍යාපාරයේ ප්‍රධාන විධායක නිලධාරි මුදිත ෆර්ඩිනන්ඩ් යන මහත්වරුද සහභාගි වූහ.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
