මැලේසියාවේ පීනෑන් නගරයේ දී පැවැත්වෙන 47 වැනි පෙස්ටා යූ. එස්. එම්. ජාත්‍යන්තර වයස් සීමා හොකී තරගමාලාවට සහභාගී කරවන ශ්‍රී ලංකා පාසල් වයස 18 න් පහළ (බාලක සහ බාලිකා) හා වයස 15 න් පහළ (බාලක සහ බාලිකා) කණ්ඩායම් නිර්දේශ කිරීමේ අවසන් තේරීම් පරීක්ෂණ තරග ඉරිදා සහ සදුදා (1 -2) පේරාදෙණිය විශ්ව විද්‍යාල ක්‍රීඩාංගණයේදී පැවැත්වේ.
මැලේසියාවේ පීනෑන් නුවර වෛද්‍ය විශ්ව විද්‍යාලයේ මෙහෙයවීමෙන් සංවිධානය කෙරෙන මෙම කනිෂ්ථ ජාත්‍යන්තර හොකී තරගමාලාව ලබන දෙසැම්බර් 20- 21- 22 යන දිනයන්හිදී පැවැත්වේ.
ඒ අනුව ඉරිදා පෙරවරු 8 ට සිට පස්වරු 5.30 දක්වා බාලිකා තේරීම් තරගද, සදුදා පෙරවරු 8 සිට පස්වරු 5.30 දක්වා බාලක තේරීම් තරගද පේරාදෙණිය විශ්ව විද්‍යාලයීය ක්‍රීඩාංගණයේ පැවැත්වේ. ශ්‍රී ලංකා පාසල් හොකී සංගමය මෙම තේරීම් තරග අධීක්ෂණය කරයි.
මෙම තේරීම් සඳහා වයස් කාණ්ඩ දෙකෙන් එක් පාසලකින් ක්‍රීඩකයන් තිදෙනකු හෝ ක්‍රීඩීකාවන් තිදෙනකු බැගින් සහභාගී විය හැකිය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
