රත්තරන් සටනේ ජය අශෝක විදුහලට

කෝට්ටේ ජනාධිපති විදුහල සහ කොළඹ අශෝක විදුහල අතර කොළඹ ආර්. ප්‍රේමදාස ක්‍රීඩාංගණයේදී අද (30 වැනිදා) පැවැති ‘රත්තරන් සටන’ වාර්ෂික එක්දින ක්‍රිකට් තරගයෙන් කඩුලු 5 ක ජයක් අත්කර ගැනීමට අශෝක විදුහල සමත් විය.

ජයග්‍රහණය සඳහා ලකුණු 86 ක පහසු ඉලක්කයක් හඹාගිය අශෝක විදුහල් ක්‍රීඩකයෝ ඕවර 23.5 ක් අවසානයේ කඩුලු 5 ක් දැවී එම ඉලක්කය පසුකර ගියහ. නොදැවී ලකුණු 23 ක් රැස්කළ අනුක් පසඳුල් සිය කණ්ඩායමේ ජයග්‍රහණය තහවුරු කළේය.

පළමුවෙන් පන්දුවට පහරදුන් ජනාධිපති විදුහලට අශෝක විදුහල් පන්දු යවන්නන්ගේ දක්ෂ පන්දු යැවීම හමුවේ ඕවර 25.4 ක් අවසානයේ ලබාගත හැකි වූයේ ලකුණු 85 ක් පමණි.

එහිදී විශිෂ්ට පන්දු යැවීමක නිරත වූ විහඟ ශමිල්ක ලකුණු 14 කට කඩුලු 5 ක් දවාගත් අතර ජනාධිපති විදුහල් ඉනිම අඩු ලකුණු සංඛ්‍යාවකට සීමා කිරීම සඳහා ශමිල්කට අනගි සහායක් දුන් රාහුල් චන්ද්‍රසේකර ලකුණු 10 කට කඩුලු 4 ක් බිඳහෙළීය.

ජනාධිපති විදුහල - ඕවර 25.4 කදී සියලු දෙනා දැවී 85
(තිගියාන් තෙව්මික 22, විහඟ ශමිල්ක 14/5, රාහුල් චන්ද්‍රසේකර 10/4)

අශෝක විදුහල - ඕවර 23.5 කදී කඩුලු 5 ක් දැවී 89
(අනුක් පසඳුල් නොදැවී 23, ඉරංග හෂාන් 24/3)