ශ්‍රී ලංකා වූෂු සම්මේලනය සංවිධානය කරන 5 වන ජාතික හා පාසල් වූෂු පුහුණුකරුවන්ගේ පාඨමාලාව නොවැම්බර් මස 10 දින සිට 14 දක්වා මහනුවර පොල්ගොල්ලේ ජාතික සමුපකාර සංවර්ධන මධ්‍යස්ථානයේ දී පැවැත්වේ.
මෙහි විශේෂත්වය වන්නේ පසුගිය වසර 12 තිස්සේ පාසල් අතර තහනම්ව පැවති ද්විත්ව සටන් ඉසව්ව යළි පුහුණුකිරිම සඳහා, අධ්‍යාපන අමාත්‍යාංශයේ අනුමැතිය ඇතිව, පාසල් පුහුණුකරුවන් හට සන්දා සටන් පුහුණුකිරීමට බලපත්‍රය දීමයි. මෙම පාඨමාලාවේ බලපත්‍රයක් නොමැති කිසිවෙකුට පාසල් වල වූෂු ක්‍රීඩාව පුහුණුකිරිමට අවසර නොලැබේ.
මෙම පාඨමාලාවට සහභාගී වී සමත්වන පුහුණුකරුවන්ට වසර 2022 චීනයේ පැවැත්වෙන අන්තර්ජාතික වූෂු පුහුණුකරු පාඨමාලාවට සහභාගීවීමටද අවස්ථාව හිමිවේ. ඉදිරි දෙවර්ෂය තුල පැවැත්වෙන අන්තර්ජාතික වූෂු තරගාවලියක නිලධාරියකු ලෙස හෝ පුහුණුකරුවකු ලෙස සහභාගීවීමට මෙම පාඨමාලාව සමත් වී බලපත් ලබාතිබීම අනිවාර්ය කරුණක් වේ.
මෙම පුහුණු පාඨමාලාව සඳහා වැඩි විස්තර ශ්‍රී ලංකා වූෂූ සම්මේලනයේ ප්‍රධාන ලේකම් විජිත් එදිරිසිංහ (දුරකථන අංක 0707-500035) හෝ පාසල් වූෂු සංගමයේ ලේකම් අජිත් අතපත්තු (දුරකථන අංක 0714-103262) මහත්වරුන්ගෙන් ලබාගත හැක.
- 8535
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
