(ශානුක අරවින්ද)
ශී‍්‍ර ලංකා මේසපන්දු සංගමය සංවිධානය කළ ජාතික කනිෂ්ඨ මේසපන්දු ශූරතාවලියේදී ද්විත්ව ශූරතා හිමිකර ගනිමින් බාලක කේවල ශූරතාව දිනාගැනීමට කොළඹ ආනන්ද විදුහලේ සෙනුර සිල්වාත්, බාලිකා කේවල ශූරතාව දිනාගැනීමට මහනුවර උසස් බාලිකා විදුහලේ බිමන්දි බණ්ඩාරත් සමත් වූහ.
වයස 15 න් පහළ බාලක අවසන් මහ තරගයේදී නුගේගොඩ ලයිසියම් ජාත්‍යන්තර පාසලේ දෙව්මෙත් වීරසේන පරාජය කළ සෙනුර, වයස 18 න් පහළ බාලක අවසන් මහ තරගයේදී කොළඹ ආනන්ද විදුහලේ හිරුණ වරුසවිතාන පරාජය කරමින් ද්විත්ව ශූරතා හිමිකර ගත්තේය.
බිමන්දි ද්විත්ව ශූරතාවන්ට හිමිකම් කීවේ වයස 15 න් බාලිකා අවසන් මහ තරගයේදී කෑගලූ බාලිකා විදුහලේ චමීෂා තුෂාදිද, වයස 18 න් බාලිකා අවසන් මහ තරගයේදී කොළඹ කාන්තා විදුහලේ අයිලා චිට්ටිද පරාජය කරමිනි.
ඉකුත් වසරේදී පැවැත්වීමට නියමිතව තිබූ මෙම තරගාවලිය කොවිඞ්-19 වසංගත තත්ත්වය හේතුවෙන් කිහිපවරක්ම කල් දැමීමට සිදුවිය. අවුරුදු 10 න් පහළ, 12 න් පහළ, 15 න් පහළ සහ 18 න් පහළ වයස් කාණ්ඩවල කී‍්‍රඩක කී‍්‍රඩිකාවන් සඳහා එහිදී කේවල තරග පැවැති අතර සෞඛ්‍ය ආරක්ෂිත කි‍්‍රයාමාර්ග හේතුවෙන් මෙවර තරගාවලියේදී යුගල තරග නොපැවැත්විණ.
බණ්ඩාරගම ගෘහස්ත කී‍්‍රඩාංගණයේදී පැවැති මෙම තරගාවලිය සඳහා දිවයින පුරා පාසල් රැුසක් නියෝජනය කරමින් කී‍්‍රඩකයෝ 145 ක් සහ කී‍්‍රඩිකාවෝ 135 ක් සහභාගි වූහ. තරුණ කටයුතු සහ කී‍්‍රඩා අමාත්‍ය නාමල් රාජපක්ෂ මහතා ප‍්‍රධාන ආරාධිතයා ලෙස තරගාවලියේ ත්‍යාග ප‍්‍රදානෝත්සවයට එක් විය.
තරග ප‍්‍රතිඵල (බාලක)
වයස 10 න් පහළ කේවල
අගස්ති ආනන්දිත (මහනුවර විද්‍යාර්ථ විදුහල) විසින් තරග වට 3-0 ක් ලෙස නවිරු මෙත්සිත (අම්බලන්ගොඩ ධර්මාශෝක විදුහල) පරාජය කරන ලදි.
වයස 12 න් පහළ කේවල
දෙව්මෙත් වීරසේන (නුගේගොඩ ලැයිසියම් ජාත්‍යන්තර පාසල) විසින් තරග වට 3-1 ක් ලෙස හරීන් නිම්දිනු (අම්බලන්ගොඩ ධර්මාශෝක විදුහල) පරාජය කරන ලදි.
වයස 15 න් පහළ කේවල
සෙනුර සිල්වා (කොළඹ ආනන්ද විදුහල) විසින් තරග වට 3-0 ක් ලෙස දෙව්මෙත් වීරසේන (නුගේගොඩ ලැයිසියම් ජාත්‍යන්තර පාසල) පරාජය කරන ලදි.
වයස 18 න් පහළ කේවල
සෙනුර සිල්වා (කොළඹ ආනන්ද විදුහල) විසින් තරග වට 3-0 ක් ලෙස හිරුණ වරුසවිතාන (කොළඹ ආනන්ද විදුහල) පරාජය කරන ලදි.
තරග ප‍්‍රතිඵල (බාලිකා)
වයස 10 න් පහළ කේවල
අනුගි ඔනාරා (අම්බලන්ගොඩ දේවානන්ද විදුහල) විසින් තරග වට 3-0 ක් ලෙස නිෂාදි නිම්තරා (ගාල්ල සවුත්ලන්ලන්ඞ් විදුහල) පරාජය කරන ලදි.
වයස 12 න් පහළ කේවල
සඳින්ති ජයසිංහ (කොළඹ මියුසියස් විදුහල) විසින් තරග වට 3-1 ක් ලෙස තමාදි කාවින්ද්‍යා (අම්බලන්ගොඩ දේවානන්ද විදුහල) පරාජය කරන ලදි.
වයස 15 න් පහළ කේවල
බිමන්දි බණ්ඩාර (මහනුවර හිල්වුඩ් විදුහල) විසින් තරග වට 3-0 ක් ලෙස චමීෂා තුෂාදි (කෑගලූ බාලිකා විදුහල) පරාජය කරන ලදි.
වයස 18 න් පහළ කේවල
බිමන්දි බණ්ඩාර (මහනුවර හිල්වුඩ් විදුහල) විසින් තරග වට 3-1 ක් ලෙස අයිලා චිට්ටි (කොළඹ කාන්තා විදුහල) පරාජය කරන ලදි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
