නෙත්මි කනිෂ්ඨ ටෙනිස් ශූරතාව දිනාගනී

ශ්‍රී ලංකා ටෙනිස් සංගමය සංවිධානය කරන ජාතික කණිෂ්ට ටෙනිස් ශූරතාවලියේ වයස 18 පහළ බාලිකා කේවල ශූරතාව දිනාගැනීමට නෙත්මි වඩුගේ සමත් වූවාය.

කනිෂ්ඨ ටෙනිස් (බාලිකා) ශ්‍රේණිගත කිරීම්හි දෙවැනි ස්ථානයේ පසුවන නෙත්මි වඩුගේ මෙවර ජාතික කනිෂ්ඨ ශූරතාවට හිමිකම් කීවේ අද (12 වැනිදා) පැවැති බාලිකා කේවල අවසන් මහ තරගයේදී තරග වට 2-0 ක් ලෙස තිසුරි මොල්ලිගොඩ පරාජය කරමිනි. තිසුරි මොල්ලිගොඩ ශ්‍රේණිගත කිරීම්හි තෙවැනි ස්ථානයේ පසුවන්නීය.

පළමු අවසන් පූර්ව තරගයේදී තරග වට 2-0 ක් ලෙස මේදිරා සමරසිංහ පරාජය කරමින් තිසුරි මොල්ලිගොඩ අවසන් මහ තරගයට සුදුසුකම් ලබාගත්තාය. නෙත්මි වඩුගේ අවසන් මහ තරගයට සුදුසුකම් ලබාගත්තේ දෙවැනි අවසන් පූර්ව තරගයේදී තරග වට 2-0 ක් ලෙස රුක්ෂිකා විජේසූරිය පරාජය කරමිනි.

කනිෂ්ඨ ශ්‍රේණිගත කිරීම්හි පෙරමුණේ පසුවන, ඉකුත් වසරේ කණිෂ්ට ජාතික ශූරිය බවටද පත්වූ මේදිරා සමරසිංහ මෙවර තරගාවලියේ අවසන් පූර්ව වටයෙන් ඉවතට විසිවී ගියේය.

ඉකුත් වසරේ පැවැති ජාතික කනිෂ්ඨ ටෙනිස් ශූරතාවලියේ වයස 18 පහළ බාලිකා කේවල අවසන් පූර්ව වටයේ තරගයකදී තරග වට 2-0 ක් ලෙස තිසුරි මොල්ලිගොඩ පරාජය කරමින් අවසන් මහ තරගයට සුදුසුකම් ලබාගැනීමට මේදිරා සමරසිංහ සමත් වුවත් මේ වසරේදී ඇයට තිසුරි මොල්ලිගොඩ හමුවේම තරග වට 2-0 ක පරාජයක් ලැබීමට සිදුවිය.

කොළඹ ටෙනිස් සංගම් මුලස්ථන කී‍්‍රඩාංගණයේදී පැවැත්වෙන මෙම තරගාවලියේ ප‍්‍රධාන අනුග‍්‍රාහකයා ලෙස භාරතී එයාර්ටෙල් සමාගම කටයුතු කරන අතර තරගාවලියේ නිල පන්දු සැපයුම්කරුවා ලෙස ඩන්ලොප් සමාගම කටයුතු කරයි.

වයස 18 පහළ බාලිකා අවසන් මහ තරගය

• නෙත්මි වඩුගේ විසින් තරග වට 2-0 ක් ලෙස තිසුරි මොල්ලිගොඩ පරාජය කරන ලදි. (6/3, 6/4)

වයස 18 පහළ බාලිකා අවසන් පූර්ව වටය

• තිසුරි මොල්ලිගොඩ විසින් තරග වට 2-0 ක් ලෙස මේදිරා සමරසිංහ පරාජය කරන ලදි. (6/0, 6/2)
• නෙත්මි වඩුගේ විසින් තරග වට 2-0 ක් ලෙස රුක්ෂිකා විජේසූරිය පරාජය කරන ලදි. (6/3, 7/5)