ශාමල් අර්ධ අවසන් පූර්ව වටයට

ශ්‍රී ලංකා ටෙස්ට් සංගමය සංවිධානය කරන ‘එෆ්-2 ෆියුචර්ස්’ ජාත්‍යන්තර ටෙනිස් තරගාවලියේ අර්ධ අවසන් පූර්ව වටයට සුදුසුකම් ලබාගැනීමට ශ්‍රී ලංකාවේ ශාමල් දිසානායක අද (20 වැනිදා) සමත් විය.

ඒ අනුව හෙට (21 වැනිදා) පෙරවරු 9.30 ට පැවැත්වෙන තෙවැනි අර්ධ අවසන් පූර්ව තරගයේදී තායිලන්තයේ පෘච්‍යා ඉසරෝට එරෙහිව ශාමල් තරග බිමට පිවිසීමට නියමිතය.

මූලික වටයේදී තරගයකදී වට 2-1 ක් ලෙස යුක්රේනයේ ලැඩිස්ලැව් ඕර්ලොව් පරාජය කළ ශාමල්, තරගාවලියේ අර්ධ අවසන් පූර්ව වටයට සුදුසුකම් ලබාගත්තේ දෙවැනි වටයේ තරගයකදී වට 2-0 ක් ලෙස තායිලන්තයේ චැන්චායි සූක්ටොන් පරාජය කරමිනි.

ශ්‍රී ලංකා ටෙනිස් සංගම් මූලස්ථාන ක්‍රීඩාංගණයේදී පැවැත්වෙන මෙම තරගාවලිය සඳහා රටවල් 20 ක් නියෝජනය කරමින් ක්‍රීඩකයෝ 48 දෙනෙක් සහභාගි වී සිටිති.