Last Update  :  2025-04-20 20:36:00 About Contact
Follow Us -
IMG-LOGO
නිවස්න පිටුව othersports_inner ‘ටී-කප්’ සවාරිය අප්‍රේල් 7 දා සිට

‘ටී-කප්’ සවාරිය අප්‍රේල් 7 දා සිට

ශනුක අරවින්ද - 2017 ජන මස 31 {{hitsCtrl.values.hits}} Views 0 Comment
A A A

ලංකා ස්පෝට්රයිසන් ආයතනය පළමු වරට සංවිධානය කරන ‘ටී-කප්’ මවුන්ටන් පාපැදි සවාරිය අප්‍රේල් මස 7, 8 සහ 9 යන දින වලදී දිවයිනේ නැගෙනහිර වෙරළ තීරයේ (පාසිකුඩා) සිට බස්නාහිර වරළ තීරය (මීගමුව) දක්වා දක්වා පැවැත්වේ.

අදියර තුනකින් සමන්විත වන මෙම පාපැදි සවාරියේ පළමු අදියර අප්‍රේල් මස 7 වැනිදා ආරම්භ වන අතර එහිදී තරගකරුවන්ට පාසිකුඩා සිට වැලිකන්ද, දිඹුලාගල, පල්ලේගම, දෙහිඅත්තකණ්ඩිය සහ ගිරාදුරුකොට්ටේ හරහා මහියංගනයට පැමිණීමට සිදුවේ. එහි මුලු දුර ප්‍රමාණය කිලෝ මීටර් 140 කි.

දෙවැනි අදියර අප්‍රේල් මස 8 වැනිදා මහියංගනයෙන් ආරම්භ වන අතර එහිදී තරගකරුවන් හසලක, උඩුදුම්බර, හුන්නස්ගිරිය, රඹුක්වැල්ල, ඔරුතොට, කිරිමැටිය සහ මහයියාව පසුකරමින් මහනුවර දක්වා කිලෝ මීටර් 80 ක දුරක් ගමන් කළ යුතුය.

අප්‍රේල් මස 9 වැනිදා මහනුවරින් ආරම්භ වන තෙවැනි අදියරේදී තරගකරුවන්ට කිලෝ මීටර් 120 ක දුරක් ගමන් කිරීමට සිදුවන අතර කටුගස්තොට, ගලගෙදර, මාවතගම, කුරුණෑගල, නාරම්මල, ගිරිඋල්ල, පන්නල සහ දංකොටුව හරහා මීගමුවට පැමිණිමෙන් එම අදියර අවසන් වේ.

තරගයට සහභාගි වන තරගකරුවන් ලියාපදිංචි කිරීම අප්‍රේල් මස 5 වැනිදා මීගමුව කැටමරන් හෝටලයේදී පැවැත්වෙන අතර 6 වැනිදා එම තරගකරුවන් සියලු දෙනා තරග ආරම්භය සඳහා මීගමුවේ සිට පාසිකුඩා දක්වා රැගෙන යනු ලැබේ.

තරගයේ පළමු ස්ථානය දිනා ගන්නා ක්‍රීඩකයාගේ සිට 20 වැනි ස්ථානය හිමිකර ගන්නා ක්‍රීඩකයා දක්වා මුදල් ත්‍යාග පිරිනැමෙන අතර ඒ සඳහා වෙන්කර ඇති මුලු මුදල රුපියල් මිලියන 3 කට ආසන්න වන බව සංවිධායකයෝ පවසති.

ක්‍රීඩා අමාත්‍යංශයේ සහ ශ්‍රී ලංකා පාපැදි සම්මේලනයේ අධීක්ෂණය යටතේ පැවැත්වෙන මෙම තරගය සඳහා දෙස් විදෙස් තරගකරුවන් රැසක් සහභාගි වීමට නියමිත අතර ඔවුන් සියලු දෙනාටම නවාතැන් සහ ප්‍රවාහන පහසුකම් සැපයීමට ලංකා ස්පෝට්රයිසන් ප්‍රවාහන නියෝජිත ආයතනය සූදානමින් සිටියි.

 

 

 

 


අදහස් (0)

‘ටී-කප්’ සවාරිය අප්‍රේල් 7 දා සිට

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.