”දිවයින” පුවත්පතේ හිටපු සමකර්තෘ හා හිටපු ක‍්‍රීඩා කර්තෘ අසෝක ගුණතිලක මහතා විසින් රචිත ”පළමුවැනියා” ග‍්‍රන්ථය ඉකුත්දා ජාතික ක‍්‍රීඩා විද්‍යායතන ශ‍්‍රවණාගාරයේ දී එළිදක්වනු ලැබිණ.
ග‍්‍රන්ථය ප‍්‍රකාශයට පත්කළ සරසවි ප‍්‍රකාශන සමාගම වෙනුවෙන් එහි සාමාන්‍යාධිකාරී පේ‍්‍රමා පින්නවල හා ක‍්‍රීඩා ඇමැති දයාසිරි ජයසේකර යන මහත්වරුන්ට කර්තෘ ගුණතිලක මහතා විසින් ග‍්‍රන්ථය පිළිගන්වන ලදී. මෙම අවස්ථාවට වරාය හා නාවික කටයුතු ඇමැති අර්ජුන රණතුංග මහතා ඇතුළු මෙරට ක‍්‍රීඩා ක්ෂේත‍්‍රයේ ප‍්‍රවීණයෝ මෙන්ම ක‍්‍රීඩා මාධ්‍යවේදීහු විශාල පිරිසක් සහභාගී වූහ.
අශෝක ගුණතිලක මහතා රචිත පස් වැනි ක‍්‍රීඩා ග‍්‍රන්ථය වන ”පළමුවැනියා” තුළින් මෙරට ක‍්‍රීඩා ක්ෂේත‍්‍රයට ඉහළම ගෞරව දිනාදුන් ක‍්‍රීඩක ක‍්‍රීඩිකාවන් හා ක‍්‍රීඩා පරිපාලන නිලධාරීන් රැුසකගේ ජීවන චරිතය පිළිබඳව අප‍්‍රකට තොරතුරු ගණනාවක් දක්වා තිබේ.
●●●
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
