(ශානුක අරවින්ද)
ශ්‍රී ලංකා පාසල් රග්බි සංගමය සංවිධානය කරන පළමු කොටසේ අන්තර් පාසල් පිළිළුන් පිටුදැකීමේ රග්බි තරගාවලියේ අවසන් පූර්ව වටයේ තරග මෙම සති අන්තයේ කොළඹ රාජකීය විදුහල් ක්‍රීඩා සංකීර්ණයේදී පැවැත්වේ.
සෙනසුරාදා (7 වැනිදා) පැවැත්වෙන පළමු අවසන් පූර්ව තරගයේදී මෙවර අන්තර් පාසල් ලීග් රග්බි ශූරතාව දිනූ බම්බලපිටිය ශාන්ත පීතර විදුහලට එරෙහිව කොළඹ වෙස්ලි විදුහල තරග බිමට පිවිසෙනු ඇත. මෙවර ලීග් රග්බි අනු ශූරයන් වූ කොළඹ ඉසිපතන විදුහල සහ ගල්කිස්ස සාන්ත තෝමස් විදුහල අතර දෙවැනි අවසන් පූර්ව තරගය පැවැත්වෙන්නේ ඉරිදා (8 වැනිදා) ය.
අර්ධ අවසන් පූර්ව වටයේ තරගවලදී කොළඹ ඩී.එස්. සේනානායක විදුහලට එරෙහිව ලකුණු 27-20 ක ජයක් වාර්තා කරමින් වෙස්ලි විදුහලද, මරදාන සහිරා විදුහලට එරෙහිව ලකුණු 27-20 ක ජයක් වාර්තා කරමින් සාන්ත තෝමස් විදුහලද අවසන් පූර්ව වටයට සුදුසුකම් ලබාගත්හ.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
