(ශානුක අරවින්ද)
ගල්කිස්ස සාන්ත තෝමස් විදුහල සහ මරදාන ශාන්ත ජෝෂප් විදුහල අතර 65 වැනි වරට පැවැති ‘ජයතිලක ආර්යා පලිහ’ වාර්ෂික රග්බි තරගය ලකුණු 43-31 ක් ලෙස ජයගැනීමට සාන්ත තෝමසුවෝ සමත් වූහ. සාන්ත තෝමස් විදුහල ජයතිලක ආර්යා පලිහට හිමිකම් කී 46 වැනි අවස්ථාව මෙය විය.
කොළඹ හැව්ලොක් ක්‍රීඩාංගණයේදී පැවැති මෙම තරගයේ පළමු අර්ධය නිමාවට පත්වන විට ලකුණු 28-12 ක් ලෙස සාන්ත තෝමස් විදුහල ඉදිරියෙන් සිටියේය. එහිදී සාන්ත තෝමසුවන් ගෝල දිනුම් 4 ක් මගින් ලකුණු ලබාගත් අතර ශාන්ත ජෝෂප් විදුහල ලකුණු ලබාගත්තේ ගෝල දිනුමක් සහ උත්සාහක දිනුමක් මගිනි.
දෙවැනි අර්ධයේදී සාන්ත තෝමසුවන් ගෝල දිනුමක්, උත්සාහක දිනුමක් සහ දඬුවම් පහරක් මගින් ලකුණු 15 ක් ලබාගනිද්දී, ශාන්ත ජෝෂප් ක්‍රීඩකයෝ ගෝල දිනුම් 2 ක් සහ උත්සාහක දිනුමක් මගින් ලකුණු 19 ක් ලබාගැනීමට සමත් වූහ. එහෙත් පළමු අර්ධය අවසානයේ රඳවාගෙන සිටි ලකුණු පරතරය අනුව තරගයේ ජය සාන්ත තෝමස් විදුහලට හිමිවිය.
(ඡායාරූප - කුෂාන් පතිරාජ)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
