(ශානුක අරවින්ද)
මරදාන සහිරා විදුහල සහ කොළඹ ඩී.එස්. සේනානායක විදුහල අතර ආර්.ටී.අයි. අලස් අනුස්මරණ කුසලාන වෙන්වෙන් පැවැති වර්ෂික රග්බි තරගය ලකුණු 36-19 ක් ලෙස පහසුවෙන්ම ජයගැනීමට ඩී.එස්. සේනානායක විදුහල සමත් විය.
සහිරා විදුහල් ක්‍රීඩාංගණයේදී පැවැති මෙම තරගයේ පළමු අර්ධය නිමාවට පත්වන විට ලකුණු 26-14 ක් ලෙස පෙරමුණ ගැනීමට ඩී.එස්. ක්‍රීඩකයෝ සමත් වූහ. එහිදී ඩී.එස්. සේනානායක විදුහල ගෝල දිනුම් 3 ක් සහ උත්සාහක දිනුමක් මගින් ලකුණු ලබාගත් අතර සහිරා විදුහල ලකුණු ලබාගත්තේ ගෝල දිනුම් 2 ක් මගිනි.
දෙවැනි අර්ධයේදී දඬුවම් පහරක් සහ ගෝල දිනුමක් මගින් ලකුණු 10 ක් ලබාගැනීමට ඩී.එස්. සේනානායක විදුහල් ක්‍රීඩකයන් සමත් වෙද්දී, සහිරා ක්‍රීඩකයන්ට උත්සාහක දිනුමක් මගින් ලබාගත හැකි වූයේ ලකුණු 5 ක් පමණි. ඒ අනුව නියමිත වේලාව අවසානයේ ලකුණු 36-19 ක් ලෙස තරගයේ ජය ඩී.එස්. සේනානායක විදුහලට හිමිවිය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
