(රජන්ත බමුණුකොටුව)
ශ්‍රී ලංකා පාසල් ක්‍රිකට් සංගමය විසින් ශ්‍රී ලංකා ක්‍රිකට් අනුග්‍රහය ඇතිව සංවිධානය කරනු ලබන වයස අවුරුදු 19න් පහළ අන්තර් පාසල් තරගයකදී කොටහේන ශාන්ත බෙනඩික්ට් විද්‍යාලය පරාජය කරමින් ඉනිමක සහ ලකුණු 19ක ජයක් ලැබීමට කටුගස්තොට ශාන්ත අන්තෝනි විද්‍යාලය සමත්විය.
කටුගස්තොටදී පැවැති මෙම තරගයේදී ශාන්ත බෙනඩික්ට් විද්‍යාලයේ නායක ශාරුජන් ෂන්මුගනාදන් පිත්තෙන් දස්කම් දැක්වූවද ඉනිමක පරාජයෙන් බේරීමට එය ප්‍රමාණවත් නොවිනි. ශාරුජන් ෂන්මුගනාදන් පළමු ඉනිමේදී ලකුණු 105ක් රැස් කළ අතර, දෙවැනි ඉනිමේදී තවත් ලකුණු 55ක් ලබාගත්තේය.
කටුගස්තොට ශාන්ත අන්තෝනි විද්‍යාලය වෙනුවෙන් ඔකිත ප්‍රනාන්දු පිත්තෙන් දස්කම් දැක්වූ අතර, කෞශික කුමාරසිංහ පන්දුවෙන් දස්කම් දැක්වීය.
කටුගස්තොට ශාන්ත අන්තෝනි විද්‍යාලය - පළමු ඉනිම 268 යි
(ඔකිත ප්‍රනාන්දු 69, ජනුක රත්නායක 38, අංජන දිනෙත් 26, සදෙව් අමරකෝන් 26, රයන් ග්‍රෙගරි 25, නේදන් ඊබට් 24, විහඟ රත්නායක 46/4, මාණික්‍ය දේශප්‍රිය 50/3, නිර්වාන් ජයතිලක 44/2)
කොටහේන ශාන්ත බෙනඩික්ට් විද්‍යාලය - පළමු ඉනිම 146 යි
(ෂාරුජන් ෂන්මුගනාදන් 105, කෞශික කුමාරසිංහ 34/5)
කොටහේන ශාන්ත බෙනඩික්ට් විද්‍යාලය - දෙවැනි ඉනිම 103 යි.
(ශාරුජන් ෂන්මුගනාදන් 55, කෙවාන් රමික 08/4, චාරුක ඒකනායක 33/3, රයන් ග්‍රෙගරි 30/2)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
