(කරන්දෙණිය එම්. සුසිල් ප්‍රියන්ත)
ගාල්ල ශාන්ත ඇලවීෂියස් විද්‍යාලය සහ ගාල්ල විද්‍යාලෝක විද්‍යාලය අතර පස්වැනි වරටත් සංවිධානය කෙරෙන ‘ගාල්ලේ උත්කර්ෂය‘ වාර්ෂික එක්දින ක්‍රිකට් තරගය අද (28 වැනිදා) ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වේ.
මංගල තරගයද ඇතුලු‍ව අවසන් වරට පැවැති තරග හතරෙන් පිට පිටම තරග තුනක් ජය ගැනීමට ශාන්ත ඇලවීෂියස් විද්‍යාලය සමත් වූ අතර පසුගිය වසරේ (2024) පැවති තරගය ජය පරාජයෙන් තොරව නිමාවට පත්විය. ඒ එදින ගාල්ල ජාත්‍යන්තර ක්‍රිකට් ක්‍රීඩාංගණයට ඇදහැළුණු වර්ෂාව හේතුවෙනි.
මෙවර සිව්වැනි ජය සනිටුහන් කිරීමේ අරමුණින් ශාන්ත ඇලවීසියස් විදුහල තරග කරන අතර විද්‍යාලෝක විදුහල මංගල ජයග්‍රාහණයේ පහස විදීමේ අරමුණින් තරග වදිනු ඇත. අන්තර් පාසල් ක්‍රිකට් තරගාවලියේදී ශාන්ත ඇලවීෂියස් විදුහල පළමු කොටසෙන්ද, විද්‍යාලෝක විදුහල දෙවැනි කොටසින්ද තරග වදියි.
විද්‍යාලෝක විද්‍යාලයේ සත්කාරකත්වයෙන් මෙවර තරගය පැවැත්වෙන අතර එහිදී ප්‍රගීත් බිම්සර විසින් විද්‍යාලෝක කණ්ඩායම මෙහෙයවනු ලබයි. ශාන්ත ඇලවීෂියස් කණ්ඩායම මෙහෙයවනු ලබන්නේ කවිඳු අමරසිංහ විසිනි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
