------------------
ශානුක අරවින්ද
------------------
අන්තර් පාසල් වයස 19 න් පහළ ක්‍රිකට් තරගාවලියේ I වැනි කොටසේ ‘බී’ කාණ්ඩයේ අවසන් පූර්ව වටයට සුදුසුකම් ලබාගැනීමට රත්ගම දේවපතිරාජ විදුහල අද (22 වැනිදා) සමත් විය. කොළඹ ඩී.එස්. සේනානායක විදුහල් ක්‍රීඩාංගණයේදී පැවැති අර්ධ අවසන් පූර්ව වටයේ තරගයකදී කොළඹ ඉසිපතන විදුහලට එරෙහිව කඩුලු 6 ක ජයක් වාර්තා කරමින් දේවපතිරාජ ක්‍රීඩකයෝ අවසන් පූර්ව වටයට සුදුසුකම් ලැබුහ.
එහිදී දක්ෂ පිතිහරඹයන්හි නිරත වූ ජීවක ශෂීන් (නොදැවී 56) සහ සුධීර වීරරත්න (නොදැවී 31) පස්වැනි කඩුල්ල වෙනුවෙන් පන්දු 131 කදී ලකුණු 94 ක නොබිඳුණ සම්බන්ධතාවක් ගොඩනගමින් දේවපතිරාජ විදුහල ජයග්‍රහණය කරා ගෙන ගියහ.
ඉසිපතන විදුහල - ඕවර 39.5 කදී සියලු දෙනා දැවී 151
(නෙත්සර සිල්වා 31, නවීන් කනිෂ්ක 23, ඉරුෂික තිමිර 28/3, සසංක නිර්මාල් 21/2, සුදීර වීරරත්න 24/2)
දේවපතිරාජ විදුහල - ඕවර 43.2 කදී කඩුලු 4 ක් දැවී 152
(ජීවක ශෂීන් නොදැවී 56, ඉරුෂික තිමිර 32, සුධීර වීරරත්න නොදැවී 31, තෙවිඳු දික්වැල්ල 28/4)
-036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
