(ශානුක අරවින්ද)
ශ්‍රී ලංකා පාසල් ක්‍රිකට් සංගමය සංවිධානය කරන අන්තර් පාසල් වයස 19 න් පහළ ක්‍රිකට් තරගාවලියේ II කොටසේ ‘බී’ කාණ්ඩයේ අවසන් මහ තරගයට සුදුසුකම් ලැබීමට කොළඹ තර්ස්ටන් විදුහල අද (16 වැනිදා) සමත් විය.
හම්බන්තොට මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී කොළඹ ඉසිපතන විදුහලට එරෙහිව පැවැති අවසන් පූර්ව තරගයේදී පළමු ඉනිමේ ජයක් වාර්තා කරමින් තර්ස්ටන් ක්‍රීඩකයෝ අවසන් තරගයට සුදුසුකම් ලබාගත්හ.
තරගය නිමාවට පත්වන විට දෙවැනි ඉනිම වෙනුවෙන් පන්දුවට පහර දෙමින් සිටි ඉසිපතන විදුහල කඩුලු 2 ක් දැවී ලකුණු 137 ක් ලබා සිටි අතර ආරම්භක පිතිකරු නවිඳු හෙට්ටිආරච්චි ඒ වන විට හතරේ පහර 9 ක් සමග නොදැවී ලකුණු 74 ක් ලබා සිටියේය.
මෙම තරගයේදී තර්ස්ටන් විදුහල වෙනුවෙන් තනූජ රාජක්ෂ (101) සහ රචින්ත ද සිල්වා (115) ශතක ලබාගත් අතර ඉසිපතන විදුහල වෙනුවෙන් රන්මිත් සේනාරත්න (156) ශතකයක් ලබාගත්තේය. තර්ස්ටන් විදුහලේ විහස් තෙව්මික (67) සහ ඉසිපතන විදුහලේ මලීෂ සඳරුවන් (58) එහිදී අර්ධ ශතක ලැබූහ.
ඉසිපතන විදුහල් පළමු ඉනිම - ඕවර 97 කදී සියලු දෙනා දැවී 304
(මලීෂ සඳරුවන් 58, රන්මිත් සේනාරත්න 156, චනුල් දිනොත් 24, යොවුන් සිල්ප 46/4, රචින්ත ද සිල්වා 28/3, විහස් තෙව්මික 76/2)
තර්ස්ටන් විදුහල් පළමු ඉනිම - ඕවර 120 කදී කඩුලු 8 ක් දැවී 383
(තනූජ රාජක්ෂ 101, ජනිත රුක්ෂාන් 23, විහස් තෙව්මික 67, රචින්ත ද සිල්වා 115, පැතුම් ධනංජය 40, දිමුතු තාරක 63/2, මෙනුල සදෙව් 88/2)
ඉසිපතන විදුහල් දෙවැනි ඉනිම - ඕවර 34 කදී කඩුලු 2 ක් දැවී 137
(නවිඳු හෙට්ටිආරච්චි නොදැවී 74, රුචිත් රොද්‍රිගූ 31, මලීෂ සඳරුවන් 26)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
