අන්තර් පාසල් වයස 19 න් පහළ ක්‍රිකට් තරගාවලියේ I වැනි කොටසේ ‘බී’ කාණ්ඩයේ අවසන් පූර්ව වටයට සුදුසුකම් ලබාගැනීමට අම්බලන්ගොඩ ධර්මාශෝක විදුහල අද (21 වැනිදා) සමත් විය.
ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැති අර්ධ අවසන් පූර්ව වටයේ තරගයකදී බම්බලපිටිය ශාන්ත පීතර විදුහලට එරෙහිව කඩුලු 5 ක ජයක් අත්කර ගනිමින් ධර්මාශෝක ක්‍රීඩකයෝ අවසන් පූර්ව වටයට සුදුසුකම් ලැබුහ.
ලොහාන් අරෝෂන (නොදැවී 36) සහ නවීන් රසාංග (නොදැවී 29) එක්ව 6 වැනි කඩුල්ල වෙනුවෙන් පන්දු 73 කදී ලකුණු 59 ක නොබිඳුණ සම්බන්ධතාවක් ගොඩනගමින් ධර්මාශෝක විදුහලේ ජයග්‍රහණය තහවුරු කළහ.
ශාන්ත පීතර විදුහල - ඕවර 40 කදී කඩුලු 9 ක් දැවී 153
(වනුජ කුමාර 50, නිමාන් උමේෂ් 23, චානක ජනංග 45/4, සහන් සංකල්ප 17/3, ලොහාන් අරෝෂන 34/2)
ධර්මාශෝක විදුහල - ඕවර 38.4 කදී කඩුලු 5 ක් දැවී 156
(ලොහාන් අරෝෂන නොදැවී 36, නවීන් රසාංග නොදැවී 29, හසිත රාජපක්ෂ 27, මොනිල් සිල්වා 16/2)
-036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
