(ශානුක අරවින්ද)
කෝට්ටේ ආනන්ද සාස්ත්‍රාලය සහ නුගේගොඩ ශාන්ත ජෝන් විදුහල අතර පැවැත්වෙන 25 වැනි ‘ශ්‍රී ජයවර්ධනපුර සටන’ වාර්ෂික මහ ක්‍රිකට් තරගය අද (21 වැනිදා) සහ හෙට (22 වැනිදා) යන දිනවල කොළඹ පී. සරවනමුත්තු ක්‍රීඩාංගණයේදී පැවැත්වේ.
මෙවර මහ ක්‍රිකට් තරගයේදී ආනන්ද සාස්ත්‍රාල කණ්ඩායම මෙහෙයවීමේ වගකීම සෙයියදු අතීෆ්ට පැවරී ඇති අතර එහිදී ශාන්ත ජෝන් විදුහල් කණ්ඩායම මෙහෙයවීමේ අවස්ථාව අනුසර ප්‍රනාන්දුට හිමිව තිබේ. පෝෂිත මදනායක ආනන්ද සාස්ත්‍රාල කණ්ඩායමේත්, තිමල්ක සුපසන් ශාන්ත ජෝන් කණ්ඩායමේත් උප නායකයෝ ලෙස කටයුතු කරති.
දෙවිදුහල් අතර මෙතෙක් පැවති මහ ක්‍රිකට් තරග 24 පවත්වා ඇති අතර එහිදී ජයග්‍රහණ 2 ක් අත්කර ගැනීමට ආනන්ද සාස්ත්‍රාලය සමත්ව තිබේ. සෙසු තරග 22 ම ජය පැරදුමෙන් තොරව නිමාවට පත්ව ඇත.
මෙවර අන්තර් පාසල් ක්‍රිකට් වයස 19 න් පහළ තරගාවලියේදී තෙවැනි කොටසේ ‘ඒ’ තලය යටතේ තරග වැදුණ ආනන්ද සාස්ත්‍රාලය, තරග 9 කට සහභාගි වෙමින් පූර්ණ ජයග්‍රහණ 5 ක්, පළමු ඉනිමේ ජයග්‍රහණ 3 ක් සහ පළමු ඉනිමේ පරාජයක් ලබා ඇත. කෙසේ වුවත් අර්ධ අවසන් පූර්ව වටයේදී හික්කඩුව ශ්‍රී සුමංගල විදුහල හමුවේ පළමු ඉනිමේ පරාජයක් ලැබීම හේතුවෙන් ආනන්ද සාස්ත්‍රාලයට අවසන් පූර්ව වටයට සුදුසුකම් ලබාගැනීමට නොහැකි විය.
අන්තර් පාසල් ක්‍රිකට් වයස 19 න් පහළ තරගාවලියේදී තෙවැනි කොටසේ ‘ඒ’ තලය යටතේ තරග වැදුණ ශාන්ත ජෝන් විදුහල, එහිදී තරග 9 කට සහභාගි වෙමින් පූර්ණ ජයග්‍රහණ 7 කට සහ පළමු ඉනිමේ ජයග්‍රහණ 2 කට හිමිකම් කියමින් අවසන් පූර්ව වටයට සුදුසුකම් ලබා සිටියි. අවසන් පූර්ව වටයේදී ඔවුන් හලාවත ශාන්ත මරියා විදුහලට එරෙහිව තරග වැදීමට නියමිතය.
මෙවර තරග වාරයේදී ආනන්ද සාස්ත්‍රාලය වෙනුවෙන් පිතිකරුවන් තිදෙනෙක් ලකුණු 500 සීමාව ඉක්මවා ගොස් ඇති අතර එහිදී නදීල් පෙරේරා ලකුණු 570 ක්ද, නිතිෂ් කමලසූරිය ලකුණු 549 ක්ද, සදෙව් ඉන්දීප ලකුණු 525 ක්ද ලබා සිටිති. සදෙව් ඉන්දීප කඩුලු 49 ක්ද, බනුජ ජයමාන්න කඩුලු 38 ක්ද, පෝෂිත මදනායක කඩුලු 37 ක්ද දවාගනිමින් වැඩිම කඩුලු ලාභීන් බවට පත්ව සිටිති.
ශාන්ත ජෝන් විදුහල වෙනුවෙන් මෙවර තරග වාරයේ ඉනිම් 13 කදී ශතකයක් සහ අර්ධ ශතකයක් සමග ලකුණු 444 ක් රැස්කරමින් කඩුලු 38 ක් බිඳහෙළීමට නායක අනුසර ප්‍රනාන්දු සමත්ව සිටියි. ළහිරු සම්පත් ලකුණු 230 ක්ද, සඳුන් දෙව්මිණ ලකුණු 210 ක්ද ලබා වැඩිම ලකුණු ලාභීන් අතරද, පියුමාල් දෙව්රංග කඩුලු 48 ක් සහ ඉමෙත් සත්සිළු කඩුලු 44 ක් ලබා වැඩිම කඩුලු ලාභීන් අතරද ඉදිරියෙන් සිටිති.
ආනන්ද සාස්ත්‍රාලය
ඉදිරි පෙළ වමේ සිට - වයි.ජී. නදීල් පෙරේරා, එම්.එස්.සී. ප්‍රනාන්දු මහතා (පුහුණුකරු), එන්.අයි. වික්‍රමසිංහ මහතා (නියෝජ්‍ය විදුහල්පති), බී.එස්. විතානගේ මහත්මිය (නියෝජ්‍ය විදුහල්පතිණි), පෝෂිත මදනායක (උප නායක), ඩී.සී. නිල්මිණී හාමිනේ මහත්මිය (විදුහල්පතිණි), සෙයියදු අතීෆ් (නායක), එම්.බී. පුෂ්පලාල් මහතා (නියෝජ්‍ය විදුහල්පති), ආර්.එල්. ප්‍රියංගිකා මහත්මිය (නියෝජ්‍ය විදුහල්පතිණි), අයි.යූ. උඩුවන මහතා (ක්‍රීඩා පාලක), එම්.ජී.සී. බණ්ඩාර මහතා (ක්‍රීඩා භාර ආචාර්ය) සහ නිතිෂ් කමලසූරිය
පසු පෙළ වමේ සිට - චේනුක මිත්සර, එච්.එන්. සන්දිවි, බනුජ ජයමාන්න, සුවහස් නිම්සර, ඩිලුෂ දෙනුවන්, දනිඳු ආදිත්‍ය, කේ. චතූර් අම, සදෙව් ඉන්දීප, යොහාන් ලක්ෂිත, තරුජ ඩිල්නයන සහ දිතිර අත්සර
ශාන්ත ජෝන් විදුහල
ඉදිරි පෙළ වමේ සිට - කේෂර නිමේෂ්, සුමිත් ප්‍රසන්න මහතා (පුහුණුකරු), සඳුන් මෛත්‍රිගේ මහතා (නියෝජ්‍ය විදුහල්පති), තිමල්ක සුපසන් (උප නායක), එස්.ඩී.එන්. ගුණරත්න මහතා (විදුහල්පති), අනුසර ප්‍රනාන්දු (නායක), තුසිතා සමන්ති මහත්මිය (ක්‍රීඩා පාලක), පියුමාල් දෙව්රංග සහ චරිත් කුෂාන් (ක්‍රීඩා භාර ආචාර්ය)
පසු පෙළ වමේ සිට - නදිත සත්සර, වෝචන ලක්ෂාන්, තිෂේන් දමිඳු, ධනුෂ්ක භාරත, කවිඳු දිල්ෂාන්, කළණ ප්‍රබුදිත, ළහිරු සම්පත්, තේනුක දුල්ලෑව, ඉමෙත් සත්සිළු, අකින්ස දිල්ෂාන්, ආලෝක ජයවර්ධන, මොහොමඩ් මිෂාල් සහ සඳුන් දෙව්මිණ
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
