Last Update  :  2025-04-05 19:07:00 About Contact
Follow Us -
IMG-LOGO
නිවස්න පිටුව School සෙනුක - අරෝෂ මහින්දය අවසන් තරගයට ගෙනෙති
19න් පහළ ක්‍රිකට්

සෙනුක - අරෝෂ මහින්දය අවසන් තරගයට ගෙනෙති

editorial - 2025 පෙබ මස 23 {{hitsCtrl.values.hits}} Views 0 Comment
A A A

(රජන්ත බමුණුකොටුව)

ශ්‍රී ලංකා පාසල් ක්‍රිකට් සංගමය විසින් ශ්‍රී ලංකා ක්‍රිකට් අනුග්‍රහය ඇතිව සංවිධානය කරනු ලබන වයස අවුරුදු 19න් පහළ පළමු කොටසේ ‘බී‘ තලයේ අන්තර් පාසල් ක්‍රිකට් තරගාවලියේ අවසන් තරගයට සුදුසුකම් ලැබීමට ගාල්ල මහින්ද විද්‍යාලය සමත්විය. සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී පැවැති අවසන් පූර්ව තරගයේදී ගාල්ල මහින්ද විද්‍යාලය විසින් මාතර ශාන්ත තෝමස් විද්‍යාලය ඉනිමකින් සහ ලකුණු 69කින් පරාජය කරන ලදි. 

කාසියේ වාසිය හිමිකරගත් මහින්ද පිලේ ඇරයුමෙන් පළමුව පන්දුවට පහරදුන් මාතර ශාන්ත තෝමස් විද්‍යාල පිලට පළමු ඉනිම වෙනුවෙන් සියලු දෙනා දැවී රැස්කරගත හැකිවූයේ ලකුණු 140 ක් පමණි. පන්දුවෙන් දස්කම් දැක්වූ අරෝෂ උදයංග ලකුණු 42 කට කඩුලු 5ක් දවාලීය.

ගාල්ල මහින්ද විද්‍යාල පිල තම පළමු ඉනි‌ම වෙනුවෙන් පන්දුවාර 91.2 කදී සියලු දෙනා දැවී ලකුණු 373ක් රැස් කළේය. එම ඉනිමට අගනා දායකත්වයක් ලබාදුන් අංක 7 පිතිකරු ලෙසින් පිටියට පිවිසි සෙනුක දංගමුව පන්දු 153කදී හතරේ පහර 24ක් සහ හයේ පහර 8ක් සමඟින් ලකුණු 200ක් රැස් කළේය. සෙනුක දංගමුව සහ දුල්සිත් දර්ශන  6 වැනි කඩුල්ල වෙනුවෙන් ලකුණු 126ක සම්බන්ධතාවයක් පැවැත්වූහ. 

මහින්ද ඉනිම ගොඩනැගීමට සාර්ථක ආරම්භයක් දුන් ශ්‍රී ලංකා අවුරුදු 17න් පහළ  පිල නියෝජනය කළ ආරම්භක පිතිකරු දුල්සිත් දර්ශන, පන්දු 190කදී හතරේ පහර 9ක් සමඟින් ලකුණු 96ක් රැස් කළද මෙවර තරගවාරයේ ඔහුගේ තෙවැනි ශතකය අහිමි විය. 

ඉනිමක පරාජයෙන් බේරීමට ලකුණු 233 ක් රැස්කිරීමේ අභියෝගයට මුහුණ දෙමින් දෙවැනි ඉනිම ඇරඹූ මාතර ශාන්ත තෝමස් විද්‍යාලය ලකුණු 164 කට සීමා කිරීමට උප නායක අරෝෂ උදයංග ප්‍රමුඛ මහින්ද පන්දු යවන්නන් සමත්වූහ. අරෝෂ උදයංග දෙවැනි ඉනිමේදීත් ලකුණු 49කට කඩුලු 5ක් දවාලීය.. 

දෙවැනි ඉනිමේදී ලකුණු 22ක් රැස් කිරීමත් සමගින් මෙවර තරගවාරයේ තම ලකුණු 1000 සීමාව පසු කිරීමට මාතර ශාන්ත තෝමස් පිලේ නායක පෙසඳු සංජාන් සමත් විය. ඔහු ලකුණු 1000 සීමාව පසුකිරීමේදී ශතක 5ක් රැස් කිරීමට සමත් විය. 

මෙම තරගය ජය ගනිමින් අවසන් තරගයට සුදුසුකම් ලැබීමත් සමගින් කවීන් රක්ක්ෂාන්ගේ නායකත්වයෙන් යුත් ගාල්ල මහින්ද විද්‍යාලය සහ තනුග පළිහවඩනගේ නායකත්වයෙන් යුත් කොළඹ තර්ස්ටන් විද්‍යාලය ඊළඟ පාසල් ක්‍රිකට් වාරයේදී ‘ඒ‘ තලයේ තරගාවලියට ක්‍රීඩා කිරීමේ උසස්වීම් ලැබූහ.

‘බී‘ තලයේ අවසන් මහ තරගය ගාල්ල මහින්ද විද්‍යාලය සහ කොළඹ තර්ස්ටන් විද්‍යාලය  අතර පෙබරවාරි 27, 28 සහ මාර්තු 01 යන දිනයන්හි සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී පැවැත්වෙයි. 


මාතර ශාන්ත තෝමස් විද්‍යාලය - පළමු ඉනිම - 140 
(ලෝසිත දික්සිත් නොදැවී 39, තත්සර දෙව්මිත් 29, අරෝෂ උදයංග 42/5) 

ගාල්ල මහින්ද විද්‍යාලය - පළමු ඉනිම  373 යි 
(සෙනුක දංගමුව 200, දුල්සිත් දර්ශන 96, දිනෙත් පැහැසර 21, පෙසඳු සංජාන් 100/4, ඔචින්ත චාමික 27/3, මනුග ගුරුගේ 82/2) 

මාතර ශාන්ත තෝමස් විද්‍යාලය - දෙවැනි ඉනිම - 164 
(කුමේෂ් නුවාංජන 43, මනුග ගුරුගේ නොදැවී 36, සෙනුර ගිහාන් 35, පෙසඳු සංජාන් 22, අරෝෂ උදයංග 49/5, මානිත රාජපක්ෂ 42/2)


අදහස් (0)

සෙනුක - අරෝෂ මහින්දය අවසන් තරගයට ගෙනෙති

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.