(ශානුක අරවින්ද)
මරදාන ශාන්ත ජෝෂප් විදුහල සහ බම්බලපිටිය ශාන්ත පීතර විදුහල අතර පැවැත්වෙන 91 වැනි ‘ශාන්තුවරුන්ගේ සටන’ වාර්ෂික මහ ක්‍රිකට් තරගය මෙම මස 3, 4 සහ 5 යන දිනවල කොළඹ එස්.එස්.සී. ක්‍රීඩාංගණයේදී පැවැත්වේ. එම තරගයට සමගාමීව පැවැත්වෙන 51 වැනි වාර්ෂික එක්දින තරගය 26 වැනිදා එම ක්‍රීඩාංගණයේදීම පැවැත්වීමට සංවිධායකයෝ කටයුතු යොදා තිබේ.
මෙවර මහ ක්‍රිකට් තරගයේදී ශාන්ත ජෝෂප් විදුහල් කණ්ඩායම මෙහෙයවීමේ වගකීම කෙනෙත් ලියනගේට පැවරී තිබේ. එහිදී ශාන්ත පීතර විදුහල් කණ්ඩායම මෙහෙයවනු ලබන්නේ ඔවීන් සල්ගාදුගේ විසිනි. මෙහි තෙදින තරගය ‘ගරු මොරිස් ජේ. ලෙගෝ පියතුමන් කුසලාන’ වෙනුවෙන්ද, එක්දින තරගය ‘පීටර් ඒ. පිල්ලේ පියතුමන් අනුස්මරණ කුසලාන’ වෙනුවෙන්ද පැවැත්වෙනු ඇත.
දෙවිදුහල් අතර මෙතෙක් පැවති මහ ක්‍රිකට් තරග 90 දී ජයග්‍රහණ 12 ක් අත්කර ගැනීමට ශාන්ත ජෝෂප් විදුහල සමත්ව ඇති අතර ශාන්ත පීතර විදුහල තරග 10 ක් ජයගෙන තිබේ. තරග 68 ක් ජය පැරදුමෙන් තොරව නිමාවට පත්ව තිබේ. ශාන්ත ජෝෂප් විදුහල 2008 වසරේදී රුවන්ත ප්‍රනාන්දුපුල්ලේගේ නායකත්ව යටතේද, ශාන්ත පීතර විදුහල 2016 වසරේදී විනූ මොහොට්ටිගේ නායකත්වය යටතේ අවසන් වරට ශාන්තුවරුන්ගේ සටන ජයගෙන තිබේ.
මෙතෙක් පැවති එක්දින තරග 49 න් තරග 25 ක් ජයගැනීමට ශාන්ත ජෝෂප් විදුහල සමත්ව ඇති අතර ශාන්ත පීතර තරග 21 ක් ජයගෙන ඇත. එක් තරගයක් ලකුණු සම වීමෙන්ද, සෙසු තරග 2 විසඳුමකින් තොරවද නිමාවට පත්ව තිබේ. අවසන් වරට 2024 වනරේදී පැවැති තරගයේදී කඩුලු 3 කින් ශාන්ත ෂෝෂප් විදුහල පරාජයට පත්කිරීමට ශාන්ත පීතර විදුහල සමත් විය.
දිමුත් කරුණාරත්න, ඇන්ජලෝ මැතිව්ස්, චමින්ද වාස්, දුනිත් වෙල්ලාලගේ, ෂෙවෝන් ඩැනියෙල්, තිසර පෙරේරා, ඈෂ්ලි ද සිල්වා, මයිකල් වැන්ඩෝට්, රොෂේන් සිල්වා, ප්‍රියමාල් පෙරේරා සහ සධීර සමරවික්‍රම ශ්‍රී ලංකාව නියෝජනය කළ ශාන්ත ජෝෂප් ක්‍රීඩකයන් වන අතර රෝයි ඩයස්, රුමේෂ් රත්නායක, විනෝදන් ජෝන්, අමල් සිල්වා, රසල් ආනල්ඩ්, කෞෂාල් ලොකුආරච්චි, මලින්ද වර්ණපුර, ඇන්ජලෝ පෙරේරා, ජනිත් ලියනගේ සහ දුෂාන් හේමන්ත එම අවස්ථාව ලැබූ ශාන්ත පීතර ක්‍රීඩකයෝ වෙති.
මෙවර ශාන්තුවරුන්ගේ සටනේ ප්‍රධාන අනුග්‍රාහකයා ලෙස ඩයලොග් ආසිආටා සමාගම කටයුතු කරන අතර ඩයලොග් ටෙලිවිෂන්හි නාලිකා අංක 126 ඔස්සේ මෙම තරගය සජීවී ලෙස නැරඹීමේ අවස්ථාව ක්‍රීඩා ලෝලීන්ට ලබාදීමටද ඔවුන් පියවර ගෙන තිබේ.
ශාන්ත ජෝෂප් විදුහල
ඉදිරි පෙළ වමේ සිට - ළහිරු පෙරේරා මහතා (සහාය පුහුණුකරු), ලක්මාල් ද සිල්වා මහතා (ප්‍රධාන පුහුණුකරු), ආසිරි කල්දේරා (ක්‍රීඩා භාර ආචාර්ය), කෙනෙත් ලියනගේ (නායක), ප්‍රියාන් තිසේරා ගරු උප අදියුරු පියතුමා, රංජිත් අන්ද්‍රාන්දි ගරු අදියුරු පියතුමා, සමේෂ් ඇන්තනී පියතුමා (ක්‍රීඩා පාලක), අභිෂේක් ජයවර්ධන (උප නායක), යෙනුල දෙව්තුස, සංජීව ප්‍රනාන්දු මහතා (ක්‍රීඩා භාර ආචාර්ය), මිරංග වික්‍රමසිංහ මහතා (සහාය පුහුණුකරු) සහ ප්‍රදීප් මුණසිංහ මහතා (දෙවැනි පෙළ පුහුණුකරු)
පසු පෙළ වමේ සිට - ලෙසිත විජේතුංග, ඩිහේන් ද සිල්වා, නිම්තක ගුණවර්ධන, සෙනුජ වකුනාගොඩ, යෙනුල දන්තනාරායන, අමීෂ ගුරුගේ, මානස මධුභාෂන, දුනික් පෙරේරා, නුෂාන් පෙරේරා, මාරියෝ සුරවීර, කවිත් ප්‍රනාන්දු, ඩේමියන් ද සිල්වා, රිෂ්ම අමරසිංහ සහ අවීෂ සමාෂ්
ශාන්ත පීතර විදුහල
ඉදිරි පෙළ වමේ සිට - හර්ෂ ප්‍රභාත් මහතා (සම්භාහක), තුෂාර මධුෂංක මහතා (සහාය පුහුණුකරු), නලින් විජේසිංහ මහතා (ප්‍රධාන පුහුණුකරු), ප්‍රියදර්ෂන කුරේ මහතා (ක්‍රීඩා භාර ආචාර්ය), ඔවීන් සල්ගාදු (නායක), රෝහිත රොද්‍රගූ ගරු අදියුරු පියතුමා, ප්‍රවීන් විජේසේකර පියතුමා (ක්‍රිකට් භාර පූජකතුමා), ලෂ්මික පෙරේරා (උප නායක), දිලන දම්සර, රෝහන ප්‍රනාන්දු මහතා (දෙවැනි පෙළ ක්‍රීඩා භාර ආචාර්ය), දිනුක ඩී. ගුණතිලක මහතා (දෙවැනි පෙළ පුහුණුකරු)
දෙවැනි පෙළ වමේ සිට - දින්සර රත්නවීර, දිනෙත් ද සිල්වා, තරින් සෙන්විදු, නේතන් ඩේවිඩ්, හිරුක සිල්වා, තරීන් සංඛේත්, විරුල් අමරපාල, යුතීන්ද්‍ර ජයවීර, සාලිත් ගාල්ලගේ සහ රෆීල් හෙට්ටිගේ
තෙවැනි පෙළ වමේ සිට - ජේසන් ප්‍රනාන්දු, ජොෂුවා සෙබස්තියන්, සවී ප්‍රනාන්දු, ඊතන් රන්සිලිගේ, ඇසදිස ද සිල්වා, සදීෂ කාරියවසම් සහ ඉනෝෂ් පීටර්සන්
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
