--------------------
ශානුක අරවින්ද
--------------------
වයස 19 න් පහළ අන්තර් පාසල් ක්‍රිකට් තරගාවලියේ I කොටසේ ‘බී’ කාණ්ඩයේ අවසන් පූර්ව වටයට සුදුසුකම් ලබාගැනීමට අම්බලන්ගොඩ ධර්මාශෝක, රත්ගම දේවපතිරාජ, ගාල්ල මහින්ද සහ කොළඹ ආනන්ද යන විදුහල් සමත්ව තිබේ.
ඒ අනුව ධර්මාශෝක විදුහලට එරෙහිව දේවපතිරාජ විදුහල කොළඹ බී.ආර්.සී. ක්‍රීඩාංගණයේදීද, මහින්ද විදුහලට එරෙහිව ආනන්ද විදුහල කොළඹ තර්ස්ටන් ක්‍රීඩාංගණයේදීද මේ මස 25 වැනිදා තරග බිමට පිවිසීමට නියමිතය.
එම තරග දෙකෙන් ජය ලබන කණ්ඩායම් අතර අවසන් මහ තරගය මැයි මස 2 වැනිදා කොළඹ එන්.සී.සී. ක්‍රීඩාංගණයේදී පැවැත්වීමට ශ්‍රී ලංකා පාසල් ක්‍රිකට් සංගමය කටයුතු යොදා ඇත.
අර්ධ අවසන් පූර්ව වටයේදී ධර්මාශෝක විදුහල විසින් බම්බලපිටිය ශාන්ත පීතර විදුහලද, දේවපතිරාජ විදුහල විසින් කොළඹ ඉසිපතන විදුහලද, මහින්ද විදුහල විසින් වෙන්නප්පුව ශාන්ත ජෝෂප් වාස් විදුහලද, ආනන්ද විදුහල විසින් වත්තල ශාන්ත අන්තෝනි විදුහලද පරාජය කරනු ලැබීය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
