(කැලණිය ලාල් එස් කුමාර)
ගම්පහ දිස්ත්‍රික්කයේ ප්‍රධාන පාසල් දෙකක් වන කැලණිය ගුරුකුල විද්‍යාලය සහ ශ්‍රී ධර්මාලෝක විද්‍යාලය අතර 35 වැනි වරට පැවැත්වෙන ‘කැලණි හටන’ වාර්ෂික මහ ක්‍රිකට් තරගය මෙම මස 6, 7 සහ 8 යන දිනවල පී. සරා ඕවල් ක්‍රිකට් ක්‍රීඩාංගණයේදී පැවැත්වේ.
පෑලියගොඩ විද්‍යාලංකාර පින් බිමෙන් ආරම්භ වූ සහෝදර පාසල් දෙකක් වන මෙම දෙවිදුහල් අතර පැවැත්වෙන ‘කැලණි හටන’ මහ ක්‍රිකට් තරගය තෙදින තරගයක් ලෙස පැවැත්වෙන පළමු අවස්ථාව මෙය වේ. දෙවිදුහල් අතර මේ දක්වා තරග 34 ක් පැවති අතර ඉන් තරග 3 ක් ගුරුකුල විද්‍යාලය ජයගෙන ඇති අතර ඉතිරි තරග 31 ම ජය පැරදුමෙන් තොරව අවසන් වී ඇත.
මෙවර තරගයේදී ගුරුකුල විදුහල් කණ්ඩායමේ නායකයා ලෙස තත්සර ඒෂාන්ද, ධර්මාලෝක කණ්ඩායමේ නායකයා ලෙස හෂාන් ජයමාල්ද කටයුතු කරති. දෙවිදුහල් අතර 33 වැනි වාර්ෂික එක්දින ක්‍රිකට් තරගය අප්‍රේල් මස 27 වැනිදාද, විස්සයි-20 තරගය මැයි මස 4 වැනිදාද එම ක්‍රීඩාංගණයේදී පැවැත්වීමට කටයුතු යොදා ඇත.
මෙතෙක් පැවැති එක්දින තරග 32 න් ගුරුකුල විද්‍යාලය තරග 16 ක්ද, ධර්මාලෝක විද්‍යාලය තරග 14 ක්ද ජය ගෙන ඇති අතර තරග දෙකක් විසඳුමකින් තොරව අවසන් විය. මින් පෙර විස්සයි-20 තරග දෙකක් පැවති අතර ඉන් එක තරගයක් ගුරුකුල විද්‍යාලයද, අනෙක් තරගය ධර්මාලෝක විද්‍යාලය ජය ලබා ඇත.
ගුරුකුල විද්‍යාලය
තත්සර ඒෂාන් (නායක), පූර්ණ කල්හාර, දෙනුර දෙමන්සිත්, තරුස කොඩිකාර, හිරුණ නිම්සර, ඔහස් සදෙව්, ජවිඳු මදුසංක, දමන් විමුක්ති, ඉඳුවර ඔෂද, ජනිත් මිහිරංග, සදෙව් දිනරු, නෙතුප සිනිදිව්, අදිප රන්සර, ශාන් ජුමාඩ්, මනුල නිම්නද, අතීෂ මලිදු, නෙතන් දෙෂාන් සහ යුවන් දනුලංග
ධර්මාලෝක විද්‍යාලය
හේෂාන් සයමාල් (නායක), තෙමිර නියෝමාල්, ඔමල් විහඟ, සතින්දු ප්‍රබෝධ, ලක්වන් හෂෙල්, කවීන් දිනෙත්, මෙවන් රන්දීපන, තරුෂ මිහිරංග, සිතුම් රමෝද්, තිසාන් නිපුන්, කෝෂිත ආදිත්‍යරත්න, සෙනුක පැහසර, විපුන් සසංක, චමුදිත කලන, කුලිත වින්සිත, යෂේන් රෝචන, සවින මන්විදු, පන්සිළු මල්ෂාන් සහ මිනුක දිනුසර
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
