අන්තර් පාසල් වයස 19 න් පහළ ක්‍රිකට් තරගාවලියේ III වැනි කොටසේ අර්ධ අවසන් පූර්ව වටයට සුදුසුකම් ලබාගැනීමට කොළඹ කේරි විදුහල අද (20 වැනිදා) සමත් විය.
දෙබරවැව මැදි විදුහල් ක්‍රීඩාංගණයේදී පැවැති පෙර අර්ධ අවසන් පූර්ව වටයේ තරගයකදී දෙබරවැව මැදි විදුහලට එරෙහිව කඩුලු 6 ක ජයක් වාර්තා කරමින් කේරි විදුහල් ක්‍රීඩකයෝ අර්ධ අවසන් පූර්ව වටයට සුදුසුකම් ලැබුහ.
එහිදී කේරි විදුහලේ විනුග දින්සිත ලකුණු 24 කට කඩුලු 3 ක් දවාගත් අතර දෙනාම් මිලර් සහ සුහේල් නූර් කඩුලු 2 බැගින් බිඳහෙළමින් දෙබරවැව මැදි විදුහල් ඉනිම අඩු ලකුණු සංඛ්‍යාවකට සීමා කිරීම සඳහා විනුගට අනගි සහායක් දුන්හ.
දෙබරවැව මැදි විදුහල - ඕවර 27.4 කදී සියලු දෙනා දැවී 108
(අදිත අබිලාෂ් 27, විනුග දින්සිත 24/3, දෙනාම් මිලර් 09/2, සුහේල් නූර් 19/2)
කේරි විදුහල - ඕවර 33 කදී කඩුලු 4 ක් දැවී 110
(ලිතික දම්සිත් 43, මොහොමඩ් ඉමාඩ් නොදැවී 23, අදිත අබිලාශ් 15/2)
-036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
