Last Update  :  2025-04-05 08:00:00 About Contact
Follow Us -
IMG-LOGO
නිවස්න පිටුව School කෝට්ටේ සටන තෙදින තරගයක් කරයි

කෝට්ටේ සටන තෙදින තරගයක් කරයි

editorial - 2025 මාර් මස 20 {{hitsCtrl.values.hits}} Views 0 Comment
A A A

(නාමල් පතිරගේ)

කෝට්ටේ ශ්‍රී ජයවර්ධනපුර - සී.එම්.එස්. විදුහල (පැරණි ක්‍රිස්තියානි විදුහල) හා කෝට්ටේ ශාන්ත තෝමස් විදුහල අතර 46 වැනි කෝට්ටේ සටන වාර්ෂික මහ ක්‍රිකට් තරගය මෙම මස 28 - 29 - 30 යන දිනවල කොළඹ කෝල්ට්ස් පිටියේදී පැවැත්වේ.

මෙවර කෝට්ටේ සටනේ විශේෂත්වය එය පළමු වතාවට තෙදින තරගයක් ලෙස සංවිධානය කිරීමයි. ඒ සඳහා ශ්‍රී ලංකා ක්‍රිකට් ආයතනය අනුග්‍රහය දක්වයි.

කෝට්ටේ සටන මහ තරගයේ ආරම්භය 1919 දක්වා දිගු වූවත් එය විවිධ හේතුන් මත විටින් විට අත් හිටුවීමට සිදුව තිබේ. එහි නූතන ආරම්භය ලෙස සැලකෙන 1978 සිට එය අඛණ්ඩව පවත්වා ගෙන එයි. මෙවර කෝට්ටේ සටන මහ තරගය පිළිබදව කරුණු පැහැදිළි කිරීමේ මාධ්‍ය හමුවක් පෙරේදා (18) කෝට්ටේ ශ්‍රී ජයවර්ධනපුර - සී.එම්.එස්. විදුහලේදී දෙවිදුහලේ විදුහල්පතිවරුන්ගේ හා ඒකාබද්ධ සංවිධාන කමිටුවේ සහභාගිත්වයෙන් පැවැත්විණි.

 ඒකාබද්ධ තරග සංවිධාන කමිටුවේ ජ්‍යෙෂ්ඨ උප සභාපති, හිටපු ජ්‍යෙෂ්ඨ පොලිස් අධිකාරී රම්‍යා වික්‍රමසිංහ, එහි ලේකම් සුනිමල් ප්‍රදීප්, සී.එම්.එස්. විදුහලේ පුහුණුකරු සමීප ලියනගේ, ශාන්ත තෝමස් විදුහලේ ක්‍රිකට් භාර ආචාරිණී වින්ද්‍යා රූපසිංහ, එහි ආදි සිසු ක්‍රිකට් පදනමේ සභාපති ශ්‍රී ලාල් සිල්වා, ශාන්ත තෝමස් විදුහලේ ක්‍රිකට් පුහුණුකරු වසන්ත වර්ණපුර යන මහත්ම මහත්මීන්ගේ සහභාගිත්වයෙන් මෙම මාධ්‍ය හමුව පැවැත්විණි.


අදහස් (0)

කෝට්ටේ සටන තෙදින තරගයක් කරයි

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.