(ෂේන් සෙනෙවිරත්න)
පල්ලේකැලේ ජාත්‍යන්තර ක්‍රීඩා පිටියේදී ආරම්භ වූ ධර්මරාජ - කිංග්ස්වුඩ් 118 වැනි මහා ක්‍රිකට් තරඟයේ පළමු දිනය වූ අද (4 වැනිදා) ක්‍රීඩාව නිමා වන විට වැඩි ගෞරව ධර්මරාජ පිතිකරුවන් විසින් අත්පත් කරගන්නා ලදී.
කාසියේ වාසිය දිනූ කිංග්ස්වුඩ් නායක කවීජ ගමගේ ධර්මරාජ පිලට පන්දුවට පහර දෙන ලෙස ආරාධනා කළේය.
ඒ අනුව පිටියට පිවිසි ධර්මරාජ පිතිකරුවන් පන්දුවට පහර දීම ආරම්භ කළ අතර ලකුණු 44 ක් ඇතුළත ධර්මරාජයේ නායක පළිඳු පෙරේරා (03) සහ දීකාශ්‍යප දිසානායකද(19) දැවී ගියහ. කෙසේ නමුත් ඉන් අනතුරුව පිටියේ පැලපදියම් වූ තරිඳු වර්ණකුලගේ (105) සහ ලක්වීන් අබේසිංහ (110) ශතක වාර්තා කරමින් කඩුලු 02 ටලකුණු 253 ක අගනා ලකුණු පුවරුවක් නිර්මාණය කිරීමට ඔව්හු සමත් වූහ.
අවස්ථා දෙකකදීම තරඟයට වර්ෂාවෙන් බාධාපැමිණි අතර ඒ හේතුවෙන් දිනට නියමිත ඕවර සංඛ්‍යාවද යැවීමට අවස්ථාව නොලැබුණි.
ධර්මරාජ පළමු ඉනිම - ඕවර 70.2 කදී කඩුලු 2 ක් දැවී 253 යි
(කාශ්‍යප දිසානායක 19, තරිඳු වර්ණකුලගේ නොදැවී 105, ලක්වීන් අබේසිංහ නොදැවී 110)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
