Last Update  :  2025-04-05 19:07:00 About Contact
Follow Us -
IMG-LOGO
නිවස්න පිටුව School රත්‍රන් සටන එක් දින තරගය අද

රත්‍රන් සටන එක් දින තරගය අද

editorial - 2025 අප්‍රේ මස 05 {{hitsCtrl.values.hits}} Views 0 Comment
A A A

(නාමල් පතිරගේ සහ ගයාන් අමරසේකර)

රාජගිරිය ජනාධිපති විදුහල සහ කොළඹ අශෝක විදුහල අතර 17 වැනි වරටත් පැවැත්වෙන ‘රත්‍රන් සටන‘ එක් දින ක්‍රිකට් තරගය අද (5) කොළඹ පී.සරවනමුත්තු (ඕවල්) පිටියේදී පැවැත්වේ.

දෙවිදුහල අතර වාර්ෂික මහ ක්‍රිකට්  තරගය ලෙස පවත්වා ගෙන යන මෙම එක් දින තරගය මෙතෙක් අවස්ථා 11 ක් රාජගිරිය ජනාධිපති විදුහල ජය ගෙන ඇත. අශෝක විදුහල එය ජය ගෙන ඇති වාර ගණන පහකි. පසුගිය වසරේදී (2024) තරගය ජය ගෙන ඇත්තේද අශෝක විදුහලයි.

මෙවර අන්තර් පාසල් ක්‍රිකට් තරගාවලියේදී මෙම දෙවිදුහලේ දක්ෂතා සමබර බවක් ගෙන තිබේ. දෙපිලේම තුන් ඉරියව්වෙන්ම දක්ෂතා දක්වන ක්‍රීඩකයන් ගණනාවකි.

අශෝක විදුහල් කණ්ඩායමේ නායක බූලිත මින්තරු කණ්ඩායමේ ප්‍රබළතම පිතිකරු ලෙස සැළකිය හැකිය. ඔහු මේ තරග වාරයේ තරග අටකදී ලකුණු 540 ක් රැස් කර ගෙන ඇත්තේ ශතක දෙකක් සමගිනි. අශෝක කණ්ඩායමේ උප නායක ඉෂාර සඳමාල් ඔවුන්ගේ දක්ෂතම පන්දු යවන්නා ලෙස මෙම තරග වාරයේදී කඩුලු 48 ක් බිද හෙළීමට සමත්ව සිටියි.

අශෝක විදුහල් කණ්ඩායමට අයත් සෙසු ක්‍රීඩකයන් වන්නේ මෙනුත් මින්තක, ඔමෙත් පෙරේරා, ජනුද මෙත්නුක, සෙනෙත් අන්පූල, සසිදු මාලිංග, රශ්මික සත්සර, උදයන්ත අභිලාෂ්, ඉනූක දම්සෙන්, දිසිනු සමරසිංහ, චතුරංග ප්‍රබෝධ, තෙවිනු දින්සර, තීක්ෂණ විතානගේ, ඉසුරු කෞෂල්‍ය, නෙතුල බෝසිත, දුල්නෙත් හන්සජ, සේසත් කබ්රාල්, සනූක මෙත්සෙන්, චමත් සත්මිල, හිමන්ස ආදීත්‍ය, තීක්ෂණ අනුහස් හා ඩිල්ෂාන් කෞෂල්‍යයි.
එහි ප්‍රධාන පුහුණුකරු ලෙස චතුරංග නාලක මහතා කටයුතු කරයි.

ජනාධිපති විදුහල් කණ්ඩායමේ නායකයා ලෙස මලිඳු රත්නායක කටයුතු කරද්දී උප නායක පුන්සර නෙත්මිණ එහි ඉහළම බලාපොරොත්තු තබා සිටින පිතිකරුවායි. මේ වාරයේ තරග 12 කට සහභාගි වෙමින් පුන්සර ලකුණු 650 ක සීමාවට පැමිණි කණ්ඩායමේ වැඩිම ලකුණුලාභීයායි. ළහිරු කවීෂ්ක මේ වාරයේ මෙතෙක් කඩුළු 40 ක් බිද හෙළා තිබෙන ඔවුන්ගේ හොදම පන්දු යවන්නා ලෙස නම් කළ හැකිය. 

සසිඳු අවිශ්ක, නෙවින්ද තත්සර, නදීත් දුල්සර, ඔසඳ ඉදුවර, රුවීෂ්ක තරූෂ, අමීෂ ගෝමස්, නදීන් මිහිරංග, හිරූන් ළිදුල, බිම්සර මිහිරංග, ළහිරු කවීෂ්ක,  ෂෙහන්ක අබේරත්න, සෙතිල සෙව්හස්, අරෝෂ ලෝචන, ලාසල් ඉඳුසර, ජෙනූල් සිනූල හා සිතුම් හෙට්ටිආරච්චි ජනාධිපති විදුහල් කණ්ඩායම් සංචිතයට ඇතුළත්ව සිටින සෙසු ක්‍රීඩකයෝ වෙති. 
එහි ප්‍රධාන පුහුණුකරු ලෙස දිලිප් ප්‍රසන්න මහතා කටයුතු කරන අතර විදුහලේ ක්‍රිකට් භාර ආචාර්ය ලෙස එස්.ඩී.චමීත් මහතාත් ක්‍රීඩා කටයුතු භාර ආචාර්යවරිය ලෙස නියෝජ්‍ය විදුහල්පතිනී එච්.එච්. ශ්‍රියානි මහත්මියත් කටයුතු කරයි.

17 වැනි රත්‍රන් සටන සංවිධානය කිරීමේදී ඒකාබද්ධ සංවිධාන කමිටුවේ කටයුතු කරන සෙසු නිලධාරීන් වන්නේ ජනාධිපති විදුහලේ විදුහල්පතිනී එච්.බී.එස්.රූපසිංහ, විදුහලේ ක්‍රීඩා පාලක අතුල පනාගොඩ, අශෝක විදුහලේ විදුහල්පති බුද්ධික අත්තනායක, එහි නියෝජ්‍ය විදුහල්පතිවරුන් වන ඩී.පී.ආටිගල, බී.ඩී.එච්.උඩවත්ත, සහකාර විදුහල්පති  චාමර අඩිපත්තු යන මහත්ම මහත්මීන්ය.

 

රාජගිරිය ජනාධිපති විදුහල් කණ්ඩායම

 

කොළඹ අශෝක විදුහල් කණ්ඩායම


අදහස් (0)

රත්‍රන් සටන එක් දින තරගය අද

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.