(රජන්ත බමුණුකොටුව)
ශ්‍රී ලංකා පාසල් ක්‍රිකට් සංගමය විසින් ශ්‍රී ලංකා ක්‍රිකට් ආයතනයේ අනුග්‍රහය ඇතිව සංවිධානය කරනු ලබන වයස අවුරුදු 19 න් පහළ II වැනි කොටසසේ ‘ඒ’ - තලයේ අන්තර් පාසල් එක්දින ක්‍රිකට් තරගාවලියේ ශූරතාව දිනා ගැනීමට වෙන්නප්පුව ශාන්ත ජෝශප් වාස් විද්‍යාලය සමත්විය.
මග්ගොන සරේ ක්‍රිකට් ක්‍රීඩාංගණයේදී පැවැති අවසන් මහ තරගයේදී වෙන්නප්පුව ශාන්ත ජෝශප් වාස් විද්‍යාලය විසින් හොරණ තක්ෂිලා මධ්‍ය මහා විද්‍යාලය ලකුණු 16 කින් පරාජය කරන ලදිත
කාසියේ වාසිය හිමිකර ගත් වෙන්නප්පුව ශාන්ත ජෝශප් වාස් විද්‍යාලය පළමුව පන්දුවට පහර දෙමින් ඕවර 47.5 ලකුණු 153ක් රැස් කළේය. හොරණ තක්ෂිලා මධ්‍ය මහා විද්‍යාලය ලකුණු 137කට සීමා කිරීමට හිමාල් රවිහංස සහ මතිෂාන් ප්‍රනාන්දු ඇතුළු පන්දු යවන්නෝ සමත්වූහ.
හොරණ තක්ෂිලා මධ්‍ය මහා විද්‍යාල ඉනිම ගොඩනැංවීමේදී කුවිඳු මධුභාෂ පන්දු 130කදී හතරේ පහර 6 ක් සහ හයේ පහරක් සමගින් ලකුණු 72ක් රැස් කළ ද එය තරගයේ ජයග්‍රහණය වෙනුවෙන් ප්‍රමාණවත් නොවීය. හිමාල් රවිහංස ලකුණු 32කට කඩුලු 4ක් දවාලූ අතර, මතිෂාන් ප්‍රනාන්දු ලකුණු 22කට කඩුලු 3ක් දවාලීය.
වෙන්නප්පුව ශාන්ත ජෝශප් වාස් විද්‍යාල ක්‍රීඩකයෝ දෙදින තරගාවලියේ ශූරයින් බවට ද පත්වෙමින් I වැනි කොටසේ බී-තලයේ තරගාවලියට උසස්වීම් ලබා සිටිති.
වෙන්නප්පුව ශාන්ත ජෝශප් වාස් විද්‍යාලය - ඕවර 47.5 කදී සියලු දෙනා දැවී 153 යි
(සාවියෝ ප්‍රනාන්දු 31, ෂෙහාර ප්‍රනාන්දු 26, කාවින්ද රත්නායක 22, ආකර්ෂ වර්ණකුලසූරිය නොදැවී 20, රශාන් දීමන්ත 31/3, යොමාෂ් යසිත් 35/3, තිළිණ කුමාර 22/2)
හොරණ තක්ෂිලා මධ්‍ය මහා විද්‍යාලය - සියලු දෙනා දැවී 137 යි
(කුවිඳු මධුභාෂ 72, හිමාල් රවිහංස 32/4, මතිෂාන් ප්‍රනාන්දු 22/3)
වෙන්නප්පුව ශාන්ත ජෝශප් වාස් කණ්ඩායම
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
