(රජන්ත බමුණුකොටුව)
ශ්‍රී ලංකා පාසල් ක්‍රිකට් සංගමය විසින් සංවිධානය කරනු ලබන වයස අවුරුදු 17 න් පහළ පළමු කොටසේ අන්තර් පාසල් ක්‍රිකට් තරගාවලියේ පළමු වටයේ තරගයකදී කටුගස්තොට ශාන්ත අන්තෝනි විද්‍යාලය ලකුණු 124ක පහසු ජයක් අත්කර ගත්තේය. මහනුවර ප්‍රදේශයේ දිගින් දිගටම පවතින වර්ෂාව නිසා අනුරාධපුර සාලියපුර පිහිටි ගජබා රෙජිමේන්තු ක්‍රීඩාංගණයේදී මෙම තරගය පැවැත්විණ.
ඔකිත ප්‍රනාන්දු ලබාගත් ශතකය හේතුවෙන් කටුගස්තොට ශාන්ත අන්තෝනි විද්‍යාලය පහසුවෙන්ම ලකුණු 200 සීමාව ඉක්මවා ගියේය. පන්දු 132 කට මුහුණ දුන් ඔකිත ප්‍රනාන්දු හතරේ පහර 13 ක් සමගින් ලකුණු 102ක් ලබාගත්තේය.
කටුගස්තොට ශාන්ත අන්තෝනි විද්‍යාලය - ඕවර 50 කදී කඩුලු 9 ක් දැවී 240 යි
(ඔකිත ප්‍රනාන්දු 102, චන්දුප ගුණතිලක 27, කෞෂික කුමාරසිංහ 26, විදුසර ගනේගොඩ 30/2, චාමික බස්නායක 30/2, ජනිරු කුලසේකර 46/2, මතීෂ පන්සිළු 47/2)
මහනුවර ශාන්ත සිල්වෙස්තර විද්‍යාලය - ඕවර 38.5 කදී සියලු දෙනා දැවී 116 යි
(පියුමක කරුණාරත්න නොදැවී 29, කවීෂ චන්දිමාල් 26, රයන් නෙත්සර 18/4, ඉමේෂ් රාජපක්ෂ 22/3)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
