(නාමල් පතිරගේ)
කොළඹ කෝල්ට්ස් පිටියේදී පසුගිය (30 වැනිදා) නිමාව දුටු කෝට්ටේ සී.එම්.එස්.- ශ්‍රී ජයවර්ධනපුර විදුහල හා කෝට්ටේ ශාන්ත තෝමස් විදුහල අතර 46 වැනි කෝට්ටේ සටන වාර්ෂික මහ ක්‍රිකට් තරගය ලකුණු 119 කින් ජය ගනිමින් කේ.ජේ.රණසිංහ පළිහ හිමි කර ගැනීමට සී.එම්.එස්. විදුහල සමත් විය.
එම විදුහල මෙසේ වාර්ෂික මහ තරගය ජය ගත්තේ වසර 23 කට පසුව වීම කැපී පෙනේ. මෙවර තෙදින තරගයක් ලෙස මෙම මහ තරගය සංවිධානය වුණු පළමු අවස්ථාවේදීම එය විසදුමකින් අවසන් වීමත් මෙවර මහ තරගයේ තවත් කැපී පෙණුනුම සිදුවීමකි.
ශාන්ත තෝමසුවන්ට සිය දෙවැනි ඉනිමේදී යොමු වුණු ලකුණු 288 ක ජයග්‍රාහී ඉලක්කය හඹායාමේදී ඔවුන්ට සියළු දෙනා දැවී රැස් කර ගත හැකිවූයේ ලකුණු 169 ක් පමණි. ශාන්ත තෝමසුවන් පරාජයෙන් ගළවා ගැනීමේ දැඩි උත්සහයක නිරත වෙමින් සදිල් ඩයස් හතරේ පහර 14 ක හා හයේ පහරක් සමග ලකුණු 90 ක් (පන්දු 123 කදී) රැස් කර සිටි අවස්ථාවේ ඔහු දුවද්දී දවා ගැනීමත් සමග සී.එම්.එස්. විදුහලේ ජයග්‍රාහණයේ අපේක්ෂා ඊයේ අවසන් දිනයේ අවසන් මොහොතේ පළ දැරීය.
සී.එම්.එස්.- ශ්‍රී ජයවර්ධනපුර විදුහල - පළමු ඉනිම සියලු දෙනා දැවී 245 යි
කෝට්ටේ ශාන්ත තෝමස් විදුහල - පළමු ඉනිම සියලු දෙනා දැවී 107 යි
(ඩිලාන් ෆ්‍රෑන්ක් 48, දිනූජ ඉසුරු 16, ෂෙහාන් සන්තුෂ් 12, සේසත් රන්මිත18, සවීන් ෂෙහාන් 26/4, මනුත් මල්සුක 13/2, පසිදු පින්සර 09/4)
සී.එම්.එස්.- ශ්‍රී ජයවර්ධනපුර විදුහල - දෙවැනි ඉනිම කඩුලු 7 ට 150
(රසල් වීරක්කොඩි 40, අර්ජුන් අභිෂේක් 31, අංජන නිදූෂ 32, රුසිරු රිෂ්මිත 15, පසිදු පින්සර 17,සදීල් ඩයස් 61/6)
කෝට්ටේ ශාන්ත තෝමස් විදුහල - දෙවැනි ඉනිම සියලු දෙනා දැවී 169
(ඩිලාන් ෆ්‍රෑන්ක් 18, දිනූජ ඉසුරු 15, ෂෙහාන් සන්තුෂ් 16, සදීල් ඩයස් 90, නෙත්සර කාංචන 14, අර්ජුන් අභිෂේක් 21/2, පසිදු පින්සර 64/3, රුසිරු රිස්මිත 20/2)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
