මැලේසියාවේ ක්වාලාලම්පූර් නුවරදී පැවැත්වෙන යොවුන් බාලිකා ලෝක කුසලාන තරගාවලියට පොරතුව පැවැති පුහුණු තරගයකදී බංග්ලාදේශ යොවුන් ක්‍රීඩිකාවන් විසින් ශ්‍රී ලංකා 19 න් පහළ බාලිකා කණ්ඩායම කඩුලු 4 කින් පරාජය කරන ලදි.
සඳුදා (13 වැනිදා) පැවැති තරගයේදී කාසියේ වාසිය දිනා පළමුවෙන් පන්දුවට පහර දුන් ශ්‍රී ලංකා යොවුන් ක්‍රීඩිකාවෝ ඕවර 20 ක් නිමාවේදී කඩුලු 3 කට ලකුණු 124 ක් ලබාගත්හ. බංග්ලාදේශ ක්‍රීඩිකාවෝ පන්දු 9 ක් ඉතිරිව තිබියදී, කඩුලු 6 ට ලකුණු 125 ක් ලබාගනිමින් තරගය ජයගත්හ.
බංග්ලාදේශය වෙනුවෙන් සාර්ථක පිතිහරඹයක නිරත වූ ජුවයිරියා ෆර්ඩෝස් පන්දු 42 කදී ලකුණු 55 ක් ලබාගත් අතර ඇයගේ ඉනිමට හතරේ පහර 2 ක් සහ හයේ පහර 4 ක් ඇතුළත් විය.
ශ්‍රී ලංකා 19 න් පහළ බාලිකාවෝ - ඕවර 20 කදී කඩුලු 3 ට 124 යි
(සංජනා කාවින්දි 19, දැහැමි සෙනෙත්මා 20, මනුදි නානායක්කාර නොදැවී 31, හිරුණි කුමාරි 29, රශ්මිකා සෙව්වන්දි නොදැවී 22)
බංග්ලාදේශ 19 න් පහළ බාලිකාවෝ - ඕවර 18.3 කදී කඩුලු 6 ට 125 යි
(ෆහෝමිදා චෝයා 10, සුමයියා අක්තාර් සුබෝනා 34, ජුවයිරියා ෆර්ඩෝස් නොදැවී 55, ශශිනි ගිම්හානි 31/2)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
