බර්මින්හැම් ෆීනික්ස් පිල වෙනුවෙන් ‘ද හන්ඩ්‍රඩ්’ තරගාවලියට ක්‍රීඩා කරමින් සිටි එංගලන්ත ටෙස්ට් කණ්ඩායමේ තවත් තුන් ඉරියව් ක්‍රීඩකයකු වන ක්‍රිස් වෝක්ස් ද තුවාල ලබා තිබේ. එංගලන්තය සතුව සිටින ටෙස්ට් කාණ්ඩයේ තුන් ඉරියව් ක්‍රීඩකයන් අතුරින් ක්‍රිස් වෝක්ස් ඉදිරිපෙළ ක්‍රීඩකයකු වන අතර ශ්‍රී ලංකාව සහ එංගලන්තය අතර ටෙස්ට් තරගාවලිය සඳහා නම්කරන ලද සංචිතයට ඇතුළත්ව සිටින්නෙකි.
දෙපිල අතර ටෙස්ට් තරගාවලිය ආරම්භ වීමට ඇත්තේ තවත් සතියක පමණ කාලයක් වන බැවින් ඔහුගේ ආබාධය එංගලන්ත පිලට බලවත් පහරක් වී තිබේ.
එංගලන්ත නායක බෙන් ස්ටෝක්ස් ද පසුගිය ඉරිදා (11 වැනිදා) පැවැති ද හන්ඩ්‍රඩ් (පන්දු 100 තරග) තරගාවලියේදී තුවාල ලැබීය. ක්‍රිස් වෝක්ස් තුවාල ලබන්නේ සිය නායකයා වන බෙන් ස්ටෝක්ස් තුවාල ලැබීමෙන් පැය 24 ක් යාමටත් මත්තෙනි. බර්මින්හැම් ‘ෆීනික්ස්’ පිල වෙනුවෙන් ක්‍රීඩා කරන ක්‍රිස් වෝක්ස්, ද හන්ඩ්‍රඩ් තරගාවලියේ ඉතිරි මුලික තරග දෙකටත් ක්‍රීඩා කිරීමට සූදානමින් සිටියේය.
“තුවාල ලැබීම නිසා ක්‍රිස් වෝක්ස් තරගාවලියෙන් ඉවත් වුණා. එංගලන්ත තුන් ඉරියව් ක්‍රීඩකයා මේ වසරේදී පැවත්වෙන ‘ද හන්ඩ්‍රඩ්’ තරගාවලියට තවදුරටත් ක්‍රීඩා කරන්නේ නෑ” යයි බර්මින්හැම් ෆීනික්ස් කණ්ඩායම නිවේදනයක් නිකුත් කරමින් ප්‍රකාශ කළේය.
එංගලන්ත සංචිතයේ සිටින තුන් ඉරියව් ක්‍රීඩකයන් දෙදෙනාම මේ වන විට ශාරීරික අබාධවලට ලක්ව සිටිති.
- 213
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
