චෙන්නායි පිල පළමු තැනට එයි

 
ඉන්දීය ප‍්‍රිමියර් ලීග් (අයි.පී.එල්.) විස්සයි20 ක‍්‍රිකට් තරගාවලියේ 47 වැනි තරගය ලෙස චෙන්නායි සුපර් කිංග්ස් පිල සහ රාජස්ථාන් රෝයල්ස් පිල අතර චෙන්නායිහිදී අද (10) පැවැති දිනයේ දෙවැනි තරගයෙන් ලකුණු 12 ක ජයක් ලැබූ චෙන්නායි පිල ප‍්‍රසාද ලකණු සටහනේ පළමු ස්ථානයට පැමිණියේය.

චෙන්නායි පිල මේ වන විට තරග 12 කදී ජයග‍්‍රහණ 8 ක් සමගින් ප‍්‍රසාද ලකුණු 16 ක් ලබා සිටියි.

කොල්කටා නයිට් රයිඩර්ස් පිල තරග 12 කදී ජයග‍්‍රහණ 7 ක් සමගින් ප‍්‍රසාද ලකුණු 15 ක් ලබා දෙවැනි ස්ථානයේ ද, රාජස්ථාන් පිල තරග 13 කදී ජයග‍්‍රහණ 6 ක් සමගින් ලකුණු 14 ක් ලබා තෙවැනි ස්ථානයේ ද, රැදී සිටියි.   

ජයග‍්‍රහණය සදහා ලකුණු 158 ක ඉලක්කය හඹාගිය රාජස්ථාන් පිල  ඕවර 20 අවසානයේ කඩුලූ 9 ක් දැවී ලකුණු 145 ක් රැස් කළේය. පළමුව පන්දුවට පහර දුන් චෙන්නායි පිල  ඕවර 20 අවසානයේ කඩුලූ 5 ක් දැවී ලකුණු 157 ක් රැස් කළේය.

බ්‍රෙන්ඩන් මැකලම් පන්දු 61 කදී හතරේ පහර 7 ක් සහ හයේ පහර 4 ක් සමගින් ලකුණු 81 ක් රැස්කළ ද ප‍්‍රවේගකාරී පිතිකරු සුරේෂ් රයිනා ලකුණු 3 කට දැවී යෑමත් සමගින් ලකුණු වේගය අඩාල විය.

ක‍්‍රිස් මොරිස් දක්‍ෂ පන්දු යැවීමක නිරත වෙමින් ලකුණු 19 කට කඩුලූ 3 ක් දවා ගනිමින් චෙන්නායි ඉනිම මන්දගාමී කළේය.  

කාසියේ වාසිය ලැබූ චෙන්නායි පිලේ නායක මහේන්ද්‍ර සිං දෝනි පළමුව පන්දුවට පහර දීමට තීරණය කළේය.

චෙන්නායි සුපර් කිංග්ස් පිල  ඕවර 20 කදී කඩුලූ 5 ට 157
(බ්‍රෙන්ඩන් මැකලම් 81, ෆෆ් ඩූ ප්ලීසිස් 29, මහේන්ද්‍ර සිං දෝනි නොදැවී 13, ඞ්වේන් බ‍්‍රාවෝ නොදැවී 15, ක‍්‍රිස් මොරිස් 19/3)

රාජස්ථාන් රෝයල්ස් පිල  ඕවර 20 කදී කඩුලූ 9 ට 145
(අජින්‍යා රහනේ 23, ෂේන් වොට්සන් 28, සංජු සැම්සන් 26, ජේම්ස් ෆෝක්නර් 16, ක‍්‍රිස් මොරිස් නොදැවී 16, රවීන්ද්‍ර ජඬේජා 11/4, මොහිට් ශර්මා 25/3)

- 048