(දමින්ද විජේසූරිය)
කොළඹ එස්.එස්.සී. පිටියේදී පැවැත්වෙන ‘සහෝදරයන්ගේ සටනේ’ දෙවැනි දිනය වන අද (22 වැනිදා) පළමු ඉනිමේ ජයග්‍රහණය සුරක්‍ෂිත කරගත් තර්ස්ටන් විද්‍යාලය කඩුලු 9 කට ලකුණු 257 ක් ලබා ඉනිම අත්හිටුවීය. දෙවිදුහල් අතර මහ තරග ඉතිහාසයේ පළමු වැනි වතාවට තුන්දින තරගයක් ලෙසින් පැවැත්වෙන මෙම තරගයේදී දෙවැනි දිනය නිමාවන විට ඉසිපතන විද්‍යාලය සිය දෙවැනි ඉනිම වෙනුවෙන් ඕවර දෙකකට මුහුණ දුන් නමුත් ලකුණු ලබා ගැනීමට උත්සුක නොවීය.
තරගයේ ආරම්භක දිනය වූ ඊයේ (21 වැනිදා) ඉසිපතන විද්‍යාලය සිය මුල් ඉනිම වෙනුවෙන් ලකුණු 203 ක් ලබාගත්තේය. මුල් දිනය නිමාවේදී තර්ස්ටන් විදුහල කිසිවකු නොදැවී ලකුණු 23 ක් ලබා සිටියේය.
කඩුලු 6 ක් ලකුණු 123 කට බිඳ වැටීමෙන් තර්ස්ටන් විදුහල් පිල තරමක අමාරුවේ වැටුණ නමුත් අංක 8 පිතිකරු ජනිත රුක්ෂාන් පන්දු 144 කට මුහුණ දෙමින් ලබාගත් ලකුණු 77 නිසා තර්ස්ටන් ක්‍රීඩකයෝ මුල් ඉනිමේ ජයග්‍රහණය අත්පත් කරගත්හ. පැතුම් ධනංජය (42) සමගින් එක්වූ රුක්ෂාන් හත්වැනි කඩුල්ල වෙනුවෙන් ලකුණු 61 ක් එකතු කිරීමෙන් පසුව යොවුන් ශිල්පා (නොදැවී 20) සමගින් එක්ව 9 වැනි කඩුල්ල වෙනුවෙන් ද ලකුණු 69 ක සම්බන්ධතාවක් පැවැත්වීය.
වමතින් දඟ පන්දු යවන මෙනුල දඹකුඹුර ඕවර 33 ක් යවමින් ලකුණු 92 කට කඩුලු 5 ක් දවාගත්තේය.
ඉසිපතන විදුහල - පළමු ඉනිම 203 යි
තර්ස්ටන් විදුහල - පළමු ඉනිම කඩුලු 9 ට 257 යි
(දිනාල් ඉඳුවර 42, තනුජ රාජපක්‍ෂ 21, සෙත්රු ප්‍රනාන්දු 12, විහස් තෙව්මික 23, පැතුම් ධනංජය 42, ජනිත රුක්ෂාන් 77, යොවුන් ශිල්පා නොදැවී 20, මොහොමඩ් අස්ජාඩ් 47/3, මෙනුල දඹකුඹුර 92/5)
ඉසිපතන විදුහල - දෙවැනි ඉනිම කිසිවකු නොදැවී 00
(ඡායාරූප - ගයාන් අමරසේකර)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
