පන්නල මෝටර් රථ තරග ඉරිදා

මීගමුව මෝටර් කී‍්‍රඩා සංගමය සංවිධානය කරන මෝටර් රථ සහ යතුරුපැදි ශූරතාවලියේ පළමු අදියර අනිද්දා (15 වැනිදා) පන්නල මෝටර් රථ ධාවන පථයේදී පෙරවරු 8.30 සිට පැවැත්වේ.

මෙම තරගාවලියේදී මෝටර් රථ ඉසව් 5 ක් සහ යතුරුපැදි ඉසව් 11 ක් පැවැත්වෙන අතර මෝටර් රථ තරගකරුවෝ 37 දෙනෙක් සහ යතුරුපැදිකරුවෝ 76 දෙනෙක් එම ඉසව් සඳහා සහභාගි වීමට සූදානමින් සිටිති.

මෝටර් රථ අංශයේ ප‍්‍රධානතම තරගය වන ෆෝඞ් ලේසර්/මැස්ඩා (සිලින්ඩර් ධාරිතාව 1500 දක්වා) තරගය සඳහා තරගකරුවෝ 10 දෙනෙක්ද, යතුරුපැදි අංශයේ ප‍්‍රධානතම තරගය වන සුපිරි යතුරුපැදි (සිලින්ඩර් ධාරිතාව 1000 දක්වා) තරගය සඳහා තරගකරුවෝ 8 දෙනෙක්ද ලියාපදිංචි වී සිටින බව මීගමුව මෝටර් කී‍්‍රඩා සංගමයේ සභාපති අවින්ද්‍ර මිරැන්ඩෝ මහතා පැවසීය.

අදියර 2 කින් සමන්විත මෙම ශූරතාවලියේ දෙවැනි අදියර නොවැම්බර් මාසයේදී පැවැත්වීමට නියමිතය.

ඡායාරූප - ශානුක අරවින්ද