Last Update  :  2025-04-20 20:36:00 About Contact
Follow Us -
IMG-LOGO
නිවස්න පිටුව Top story පාකිස්තානු සංචාරයට මහේල නෑ

පාකිස්තානු සංචාරයට මහේල නෑ

දිලිනි මල්රුක්ෂි - 2013 නොවැ මස 26 {{hitsCtrl.values.hits}} Views 26 Comment
A A A

පාකිස්තානයට එරෙහිව ලබන දෙසැම්බර් මස 11 වැනිදා මැද පෙරදිගදී ආරම්භ වන දීර්ඝ තරග සංචාරයේ විස්සයි20 සහ එක්දින තරගාවලි දෙකෙන් ශ්‍රී ලංකා පිලේ ජ්‍යෙෂ්ඨතම ක‍්‍රීඩකයා වන මහේල ජයවර්ධන පෞද්ගලික හේතුවක් මත ඉවත්ව සිටියි.

මහේල මෙම සංචාරයේ ටෙස්ට් තරගාවලියෙන් ද ඉවත්ව සිටීමට බොහෝ දුරටත් ඉඩ ඇතැයි වාර්තා වේ.

මෙහිදී 15 දෙනකුගෙන් යුත් විස්සයි20 සංචිතයක් සහ 16 දෙනකුගෙන් යුත් එක්දින සංචිතයක් නම් කර තිබේ. මෙම සංචිත දෙකටම දකුණතින් පා දඟ පන්දු යවන සීකුගේ ප‍්‍රසන්න කැදවා තිබේ. විස්සයි20 සංචිතයට ඇතුළත්ව සිටින පිට දඟ පන්දු යවන රමිත් රමුක්වැල්ල ශාරීරික යෝග්‍යතාව අනුව තරගාවලියට සහභාගි වීම තීරණය වේ. 

මෙම සංචාරයේ විස්සයි20 තරග දෙක දෙසැම්බර් මස 11 සහ 13 ඩුබායිහිදී පැවැත්වේ. තරග පහකින් සමන්විත එක්දින තරගාවලිය දෙසැම්බර් මස 18 වැනිදා සාජාහිදී ආරම්භ වන අතර එම තරගාවලිය දෙසැම්බර් මස 27 වැනිදා අබුඩාබිහිදී අවසන් වේ.

දෙරට අතර තරග තුනකින් සමන්විත ටෙස්ට් තරගාවලිය දෙසැම්බර් මස 31 වැනිදා ඩුබායි අන්තර්ජාතික ක‍්‍රිකට් ක‍්‍රීඩාංගණයේදී ආරම්භ වන අතර ජනවාරි මස 20 වැනිදා අවසන් වීමට නියමිතය.

ශ්‍රී ලංකා විස්සයි20 සංචිතය:
දිනේෂ් චන්දිමාල් (නායක), ලසිත් මාලිංග (උප නායක), තිලකරත්න ඩිල්ෂාන්, කුසල් ජනිත්, කුමාර් සංගක්කාර, ඇන්ජලෝ මැතිව්ස්, ළහිරු තිරිමාන්න, කිත්රුවන් විතානගේ, තිසර පෙරේරා, නුවන් කුලසේකර, සීකුගේ ප‍්‍රසන්න, සුරංග ලක්මාල්, සචිත‍්‍ර සේනානායක, අජන්ත මෙන්ඩිස් සහ රමිත රඹුක්වැල්ල (ශාරීරික යෝග්‍යතාව අනුව)

ශ්‍රී ලංකා එක්දින සංචිතය:
ඇන්ජලෝ මැතිව්ස් (නායක), දිනේෂ් චන්දිමාල් (උප නායක), තිලකරත්න ඩිල්ෂාන්, කුසල් ජනිත්, දිමුත් කරුණාරත්න, කුමාර් සංගක්කාර, ළහිරු තිරිමාන්න, අෂාන් ප‍්‍රියංජන්, කිත්රුවන් විතානගේ, තිසර පෙරේරා, නුවන් කුලසේකර, ලසිත් මාලිංග, සුරංග ලක්මාල්, සචිත‍්‍ර සේනානායක, රංගන හේරත් සහ සීකුගේ ප‍්‍රසන්න


අදහස් (26)

පාකිස්තානු සංචාරයට මහේල නෑ

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.