Reply To:
Eranda - cb chds hcdsh cdshcsdchdhd
(දමින්ද විජේසූරිය)
වසර 2025 මහ ක්රිකට් තරග සමය වෙනුවෙන් පාසල් මහ ක්රිකට් තරග හතක් සඳහා පූර්ණ අනුග්රහය දැක්වීමට ඩයලොග් ආසියාටා සමාගම ඉදිරිපත් වී තිබේ. මෙම තරග සියල්ලම තුන්දින තරග වීම විශේෂත්වයකි. ඇතැම් මහ ක්රිකට් තරග පසුගිය වසර දක්වාම දෙදින තරග ලෙසින් පැවැති නමුත් මේ වසරේ සිට ඒවා තුන්දින තරග ලෙසින් පැවැත්වීමට අදාළ පාසල් වල විදුහල්පතිවරු එකඟව සිටිති.
පාසල් මහ ක්රිකට් තරග යනු වර්ෂ 1879 දී කොළඹ රාජකීය විද්යාලය (එවකට කලම්බු ඇකඩමි) සහ සාන්ත තෝමස් විද්යාලය අතර පැවැති ක්රිකට් තරගයෙන් ආරම්භ වූ, ශ්රී ලංකාවේ අන්තර් පාසල් ක්රිකට් තරග අතරේ අද්වීතීය තරග විශේෂයකි. අදටත් අඛණ්ඩවම පැවැත්වෙන ලොව දෙවැනි පැරැණිතම වාර්ෂික ක්රිකට් තරගය ලෙසින් රාජකීය විදුහල සහ ගල්කිස්ස සාන්ත තෝමස් විද්යාලය අතර තරගය සම්භාවනාවට පාත්ර වී තිබේ.
ශත වර්ෂයකටත් එපිට සිට පැවැත්වෙන අඛණ්ඩ තරග සම්ප්රදායක් මෙම මහ තරගවලට හිමිවේ. ශ්රී ලංකාවේ මහ ක්රිකට් තරග පැවැත්වෙන මාර්තු - අප්රේල් කාලයේදී ආනන්ද - නාලන්දා තරගයට මෙන්ම රාජකීය - සාන්ත තෝමස් තරගය වෙනුවෙන් ද ලන්ඩන් නුවර සිටත් ඕස්ටේ්රලියාවේ මෙල්බර්න් නුවර සිටත් විශේෂයෙන් වෙන්කරවාගත් ගුවන් යානා කොළඹ බලා පියාසර කරයි.
යාපනය ශාන්ත පැට්ටි්රක් විද්යාලයීය ක්රීඩාංගණයේදී අද (27 වැනිදා) ආරම්භ වීමට නියමිතව තිබූ ශාන්ත පැට්ටි්රක් විද්යාලය සහ යාපනය මහා විද්යාලය අතර තරගය අධික වර්ෂාව සහ සුළං හේතුවෙන් මාර්තු මස 06, 07 සහ 08 දිනවලට කල්දමන ලදි.
මෙම තරග සියල්ලම ඩයලොග් ටෙලිවිෂන්හි නාලිකා අංක 62, 63, 126 සහ 127 ඔස්සේ නැරඹීමේ අවස්ථාව ක්රිකට් ලෝලීන්ට ලැබෙනු ඇත.
ඩයලොග් අනුග්රහය ලබන මහ ක්රිකට් තරග
■ ශාන්ත පැට්ටි්රක් විද්යාලය සහ යාපනය මහා විද්යාලය අතර මාර්තු 06, 08 සහ 08 දිනවල - යාපනය ශාන්ත පැට්ටි්රක් විද්යාලයීය ක්රීඩාංගණයේදී
■ කොළඹ රාජකීය විද්යාලය සහ සාන්ත තෝමස් විද්යාලය අතර මාර්තු 06, 07 සහ 08 දිනවල - කොළඹ එස්.එස්.සී. ක්රීඩාංගණයේදී
■ මලියදේව විද්යාලය සහ ශාන්ත ආනා විදුහල අතර මාර්තු 28, 29 සහ 30 දිනවල - කුරුණෑගල වෙලගෙදර ක්රීඩාංගණයේදී
■ පානදුර ශ්රී සුමංගල විදුහල සහ මොරටු මහ විදුහල අතර මාර්තු 28, 29 සහ 30 දිනවල - මොරටුව ටිරෝන් ප්රනාන්දු ක්රීඩාංගණයේදී
■ ගාල්ල මහින්ද විද්යාලය සහ රිච්මන්ඩ් විද්යාලය අතර අප්රේල් 03, 04 සහ 05 දිනවල - ගාල්ල අන්තර්ජාතික ක්රිකට් ක්රීඩාංගණයේදී
■ බම්බලපිටිය ශාන්ත පීතර විදුහල සහ මරදාන ශාන්ත ජෝෂප් විදුහල අතර අප්රේල් 03, 04 සහ 05 දිනවල - කොළඹ එස්.එස්.සී. ක්රීඩාංගණයේදී
■ ධර්මරාජ විද්යාලය සහ කිංග්ස්වුඩ් විද්යාලය අතර අප්රේල් 04, 05 සහ 06 දිනවල - පල්ලෙකැළේ අන්තර්ජාතික ක්රිකට් ක්රීඩාංගණයේදී
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.