Last Update  :  2025-04-02 12:40:00 About Contact
Follow Us -
IMG-LOGO
නිවස්න පිටුව Top story රචින්ත ඉසිපතනය 203 කට සීමා කරයි
සහෝදරයන්ගේ සටන - 2025

රචින්ත ඉසිපතනය 203 කට සීමා කරයි

editorial - 2025 පෙබ මස 21 {{hitsCtrl.values.hits}} Views 0 Comment
A A A

(ශානුක අරවින්ද) 

කොළඹ තර්ස්ටන් විදුහල සහ ඉසිපතන විදුහල විදුහල අතර කොළඹ එස්.එස්.සී. ක්‍රීඩාංගණයේදී පැවැත්වෙන 62 වැනි ‘සහෝදරයන්ගේ සටන’ වාර්ෂික මහ ක්‍රිකට් තරගයේ පළමු දිනය වූ අද (21 වැනිදා) ඉසිපතන පළමු ඉනිම ලකුණු 203 කට සීමා කිරීමට තර්ස්ටන් පන්දු යවන්නෝ සමත් වූහ. 

එහිදී දක්ෂ පන්දු යැවීමක නිරත වූ තර්ස්ටන් විදුහලේ රචින්ත ද සිල්වා ලකුණු 46 කට කඩුලු 6 ක් බිඳහෙළමින් ඉසිපතන පළමු ඉනිම අඩ පණ කළ අතර ඒ සඳහා ඔහුට අනගි සහායක් දුන් විහස් තෙව්මික ලකුණු 49 කට කඩුලු 2 ක් දවාගත්තේය. 

ඉසිපතන විදුහලේ වැඩිම ලකුණු ලාභියා බවට පත්වූ චනුල් දිනෝත් හතරේ පහර 3 ක් සමග ලකුණු 40 ක් රැස්කළ අතර මොහොමඩ් අස්ජාඩ් ලකුණු 27 ක් රැස්කළේ හතරේ පහර 3 ක් සමගිනි. නායක ලෙසඳු කල්පගේ ලකුණු 15 කට දැවී යද්දී, රන්මිත් සෙනරත් ලකුණු 22 ක්ද, මලීෂ සඳරුවන් ලකුණු 21 ක්ද රැස්කළහ.  

පළමු දිනය සඳහා ක්‍රීඩාව නතර කරන විට පන්දුවට පහර දෙමින් සිටි තර්ස්ටන් විදුහල සිය පළමු ඉනිම වෙනුවෙන් කිසිවකු නොදැවී ලකුණු 23 ක් ලබා සිටියේය. ඒ වන විට අරම්භක පිතිකරුවන් වූ දිනාල් ඉඳුවර නොදැවී ලකුණු 15 ක්ද, තනුජ රාජපක්ෂ නොදැවී ලකුණු 6 ක්ද ලබා කඩුල්ලේ රැදී සිටියහ. 


ඉසිපතන පළමු ඉනිම - ඕවර 81.1 කදී සියලු දෙනා දැවී 203
(නවිඳු හෙට්ටිආරච්චි 20, රුචිත රොද්‍රිගූ 16, මලීෂ සඳරුවන් 21, රන්මිත් සේනාරත්න 22, ලෙසඳු කල්පගේ 15, චනුල් දිනෝත් 40, මොහොමඩ් අස්ජාඩ් 27, රචින්ත ද සිල්වා 46/6, විහස් තෙව්මික 49/2)

තර්ස්ටන් පළමු ඉනිම - ඕවර 6 කදී කිසිවකු නොදැවී 23
(දිනාල් ඉඳුවර නොදැවී 15) 

 
(ඡායාරූප - ඉසුරු පෙරේරා)

අදහස් (0)

රචින්ත ඉසිපතනය 203 කට සීමා කරයි

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.