Last Update  :  2025-04-02 12:40:00 About Contact
Follow Us -
IMG-LOGO
නිවස්න පිටුව Top story විරේන් අවසන් 16 දෙනා අතරට

විරේන් අවසන් 16 දෙනා අතරට

editorial - 2025 පෙබ මස 27 {{hitsCtrl.values.hits}} Views 0 Comment
A A A

(ශානුක අරවින්ද) 

රටවල් 28 ක ක්‍රීඩක ක්‍රීඩිකාවන් 650 කට වැඩි පිරිසකගේ සහභාගීත්වයෙන් සාන්ත ජෝශප් විදුහල් ගෘහස්ත ක්‍රීඩාංගණයේදී පැවැත්වෙන ‘හන්ඩ්‍රඩ්’ ශ්‍රී ලංකා ජාත්‍යන්තර අභියෝගතා බැඩ්මින්ටන් ශූරතාවලියේ පිරිමි කේවල ඉසව්වේ අවසන් 16 දෙනාගේ වටයට සුදුසුකම් ලැබීමට ශ්‍රී ලංකා ක්‍රීඩක විරේන් නෙත්තසිංහ සමත් විය. 

මෙම තරගාවලියේ ශ්‍රේණිගත කිරීම්වලට අනුව සිව්වැනි ස්ථානයේ පසුවූ විරේන් නෙත්තසිංහ,  අවසන් 16 දෙනාගේ වටයට සුදුසුකම් ලැබුවේ ඊයේ (27 වැනිදා) පැවැති 32 දෙනාගේ වටයේදී වට 2-0 ක් ලෙස ඉන්දියාවේ නරේන් අයියර් පරාජය කරමිනි. එම තරගයේ ලකුණු තත්වය 21-15 ක් සහ 21-10 ක් ලෙස සටහන් විය. 

පසුගිය වසරේදී (2024) පැරිස් ඔලිම්පික් උළෙල නියෝජනය කරමින් සෘජුවම ඔලිම්පික් සුදුසුකම් ලබාගත් ලාබාලතම ශ්‍රී ලාංකිකයා බවට පත්වූ විරේන්, මෙම තරගාවලියේ පිරිමි කේවල ඉසව්වේ කැපී පෙනෙන ක්‍රීඩකයකු බවට පත්වී සිටියි. 

පිරිමි කේවල ඉසව්වේ 64 දෙනාගේ වටයේදී ඉන්දුනීසියා ක්‍රීඩකයකු වන හෙන්රිකෝ කෝ හමුවේ තරමක අවිනිශ්චිත ක්‍රීඩා විලාශයකින් තරගය ආරම්භ කළද, අවසානයේ වට 2-1 කින් තරගය ජයග්‍රහණය අත්කර ගැනීමට විරේන් සමත් විය. 

එම තරගයේ පළමු වටයේදී ලකුණු 14-21 කින් ප්‍රතිවාදි ක්‍රීඩකයා හමුවේ පරාජයට පත්වූ විරේන්, දෙවැනි වටයේදී විශිෂ්ට ක්‍රීඩා විලාශයක් පෙන්නුම් කරමින් ලකුණු 21-15 ක ජයක් වාර්තා කරමින් තරගය සම කළ අතර තීරණාත්මක තෙවැනි වටය ලකුණු 22-20 කින් ජය ගනිමින් සමස්ත තරගයේ ජය තමන් සතුකර ගත්තේය.  

පිරිමි කේවල, පිරිමි යුගල, කාන්තා කේවල, කාන්තා යුගල සහ මිශ්‍ර යුගල යන ඉසව් 5 යටතේ තරග පැවැත්වෙන ‘හන්ඩ්‍රඩ් ශ්‍රී ලංකා ජාත්‍යන්තර අභියෝග’ ශූරතාවලිය ලෝක බැඩ්මින්ටන් සම්මේලනයේ සහ ආසියානු බැඩ්මින්ටන් සංගමයේ අනුමැතිය යටතේ පැවැත්වේ. 

අමෙරිකානු ඩොලර් 17,500 ක මුදල් ත්‍යාග ප්‍රමාණයක් බෙදා දෙන මෙම තරගාවලියේ අනුග්‍රාහකයන් ලෙස හන්ඩ්‍රඩ්, මොබිල්, මැක්ෆොයිල්, 3එම්, ලීනිං යන සමාගම් සහ ආයතන කටයුතු කරයි. 

 


අදහස් (0)

විරේන් අවසන් 16 දෙනා අතරට

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.