Last Update  :  2025-04-05 19:07:00 About Contact
Follow Us -
IMG-LOGO
නිවස්න පිටුව Top story ශ්‍රී ලංකා පන්දු යවන්නෝ ඇෆ්ඝනිස්තානය මෙල්ල කරති
ශ්‍රී ලංකා - ඇෆ්ඝනිස්ථාන තරගය

ශ්‍රී ලංකා පන්දු යවන්නෝ ඇෆ්ඝනිස්තානය මෙල්ල කරති

editorial - 2022 නොවැ මස 01 {{hitsCtrl.values.hits}} Views 0 Comment
A A A

(ශානුක අරවින්ද) 

විශාල ලකුණු සංඛ්‍යාවක් කරා ගොස් ශ්‍රී ලංකාවට අසීරු ඉලක්කයක් ලබාදීමේ අරමුණින් යුතුව කාසියේ වාසිය දිනා පළමුවෙන් පන්දුවට පහරදුන් ඇෆ්ඝනිස්ථාන කණ්ඩායමට, වනිඳු හසරංග ප්‍රමුඛ පන්දු ශ්‍රී ලංකා පන්දු යවන්නන්ගේ දක්ෂ පන්දු යැවීම හමුවේ ඕවර 20 අවසන් වන විට ලබාගත හැකි වූයේ ලකුණු 144 ක් පමණි. 

එහිදී සිය ඕවර 4 ලකුණු 13 කට සීමා කළ වනිඳු, කඩුලු 3 ක්ද දවාගනිමින් දක්ෂ පන්දු යැවීමක නිරත විය. ඉන් කඩුලු 2 ක්ම අවසන් ඕවරයේදී දවාගත් ඔහු එම ඕවර ලකුණු 3 කට සීමා කරමින් ඇෆ්ඝනිස්ථාන කණ්ඩායමට ලකුණු 150 සීමාව ඉක්මවා යෑමට තිබූ අවස්ථාව මඟහැරවීය. 

ඇෆ්ඝනිස්ථානයට සාර්ථක ආරම්භයක් ලබාදුන් රහ්මනුල්ලා ගුර්බාස් (28) සහ උස්මාන් ඝානි (27) පළමු කඩුල්ල සඳහා පන්දු 37 කදී ලකුණු 42 ක් එක් කළහ. අධිවේගී ඕවර 6 නිමා වූ වහාම කඩුල්ල තුළට දෝලනය කරමින් යැවූ පන්දුවකින් ගුර්බාස්ගේ කඩුල්ල බිඳදැමූ ළහිරු කුමාර එම සම්බන්ධතාවට තිත තැබුවේය. 

ඉන් අනතුරුව පන්දුව අතට ගත් වනිඳු, නායක දසුන් ශානකගේ සහාය ඇතිව සෙසු ආරම්භක පිතිකරුවාද පිටියෙන් ඉවත් කිරීමට සමත් විය. යළිත් ක්‍රියාත්මක වූ ළහිරු, කවදත් ඇෆ්ඝනිස්ථාන කණ්ඩායමේ නැංගුරම බවට පත්වන ඊබ්‍රහීම් සද්‍රාන් (22) පිටියෙන් ඉවත් කිරීමට සමත් වූයේ මිඩ් ඕෆ් කළාපයේ පන්දු රකිමින් සිටි භානුක රාජපක්ෂගේ සහායද ඇතිවය. 

ඉනිමේ 16 වැනි ඕවරය යැවීඹ සඳහා කැඳවූ ධනංජය ද සිල්වා එහිදී නජිබුල්ලා සද්‍රාන් දවාගැනීමට සමත් වූයේ ඇෆ්ඝනිස්ථාන ලකුණු පුවරුව ලකුණු 113 කට කඩුලු 4 ක් බවට පත්කරමිනි. අවසන් ඕවර 5 තුළ ඇෆ්ඝනිස්ථාන පිතිකරුවන්ට ලකුණු 40 ක් ලබාදුන් ශ්‍රී ලංකා පන්දු යවන්නෝ එහිදී කඩුලු 4 ක් බිඳහෙළීමටද සමත් වූහ. 

ලකුණු පුවරුව 
 
ඇෆ්ඝනිස්ථානය 

රහ්මනුල්ලා ගුර්බාස් - ප.ළහිරු 28
උස්මාන් ඝානි - ඇ.ශානක ප.හසරංග 27
ඊබ්‍රහීම් සද්‍රාන් - ඇ.භානුක ප.ළහිරු 22
නජිබුල්ලා සද්‍රාන් - ඇ.හසරංග ප.ධනංජය 18
ගුලාබ්දීන් නයිබ් - දුවද්දී දැවී ගියා 12
මොහොමඩ් නබී - ඇ.ශානක ප.රාජිත 13
රෂීඩ් කාන් - ප.හසරංග 9
අස්මතුල්ලා ඔමර්සායි - නොදැවී 3
මුජිබුර් රහමන් - ස්ට.මෙන්ඩිස් ප.හසරංග 1
අතිරේක 11
එකතුව ඕවර 20 කදී කඩුලු 8 කට 144
 
පන්දුවට පහර නොදුන් පිතිකරුවෝ : 
ෆරීඩ් අහමඩ් සහ ෆසාල්හක් ෆරූකි 
 
කඩුලු වැටීම : 
1-42(ගුර්බාස්), 2-68(ඝානි), 3-90(ඊබ්‍රහීම්), 4-113(නජිබුල්ලා), 5-127(නයිබ්), 6-140(නබී), 7-142(රෂීඩ්), 8-144(මුජිබුර්) 
 
පන්දු යැවීම :
කසුන් රාජිත 4-0-31-1, ප්‍රමෝද් මධුෂාන් 3-0-24-0, ළහිරු මධුෂංක 4-0-30-2, මහීෂ් තීක්ෂණ 4-0-33-0, වනිඳු හසරංග 4-0-13-3, ධනංජය ද සිල්වා 1-0-09-1 

අදහස් (0)

ශ්‍රී ලංකා පන්දු යවන්නෝ ඇෆ්ඝනිස්තානය මෙල්ල කරති

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.