සදර්න් ශාක්ස් 45-7 කින් ජැෆ්නා චැලේන්ජර්ස් පරදවති

‘කාල්ටන් සුපර් සෙවන්ස් 2014’ සත් සාමාජික රග්බි තරගාවලියේ කොළඹ පැරණි තුර`ග තරග පිටියේදී අද (15) ආරම්භ වූ දෙවැනි සහ අවසන් අදියරේ පළමු දිනයේ දෙවැනි විවේකය දක්වා පැවැති තරගවලදී සදර්න් ශාක්ස් පිල ලකුණු 45-7 කින් ජැෆ්නා චැලෙන්ජර්ස් පිල පරාජය කරමින් ලැබූ දැවැන්ත ජය පෙරවරුවේ තරගවලදී කැපී පෙනුණි. නොදර්න් ග්ලැඩියේටර්ස් ක‍්‍රීඩකයෝ ලකුණු 19-15 කින් පළමු අදියරේ ශූරයන් වූ වෙස්ටන් වොරියස් පිල පරාජය කිරීමට සමත් වූහ.

මෙම තරගාවලියේ පස්වරුවේ තරග විදුලි ආලෝකය මධ්‍යයේ පැවැත්වෙන අතර රාත‍්‍රී 8.30 දක්වා තරග පැවැත්වේ.

තරග ප‍්‍රතිඵල

• වෙස්ටන් වොරියස් පිල විසින් ලකුණු 26-0 කින් සබරගමුව ස්ටැලියන්ස් පිල පරාජය කරන ලදී
• ඌව වයිපර්ස් පිල විසින් ලකුණු 21-15 කින් නොදර්න් ග්ලැඩියේටර්ස් පිල පරාජය කරන ලදී.
• සදර්න් ශාක්ස් පිල විසින් ලකුණු 45-7 කින් ජැෆ්නා චැලෙන්ජර්ස් පිල පරාජය කරන ලදී.
• සෙන්ට‍්‍රල් කිංග්ස් පිල විසින් ලකුණු 33-7 කින් නෝත් සෙන්ට‍්‍රල් ටයිෆූන්ස් පිල පරාජය කරන ලදී
• ඊස්ටන් ඊගල් පිල විසින් ලකුණු 29-14 කින් සබරගමුව ස්ටැලියන්ස් පිල පරාජය කරන ලදී.
• නොදර්න් ග්ලැඩියේටර්ස් පිල විසින් ලකුණු 19-15 කින් වෙස්ටන් වොරියස් පිල පරාජය කරන ලදී
• ජැෆ්නා චැලෙන්ජර්ස් පිල විසින් ලකුණු 19-14 කින් නෝත් වෙස්ටන් බ්ලැක්ස් පිල පරාජය කරන ලදී.
• සදර්න් ශාක්ස් පිල විසින් ලකුණු 43-0 කින් නෝත් සෙන්ට‍්‍රල් ටයිෆූන්ස් පිල පරාජය කරන ලදී.