සමස්ත ලංකා පාසල් වයස 18 න් පහළ හොකී තරගාවලියේ ශූරතාව දිනාගැනීමට කොළඹ මියුසියස් විද්‍යාලයීය කණ්ඩායම සමත් විය. අවසන් මහ තරගයේදී මාතලේ සංඝමිත්තා බාළිකා විද්‍යාලය ගෝල 2-1 ක් ලෙසින් පරාජය කරමින් මියුසියස් විද්‍යාලයීය ක්‍රීඩිකාවෝ මෙම ශූරතාව දිනාගත්හ.
ශ්‍රී ලංකා පාසල් හොකී සංගමය විසින් සංවිධානය කරන ලද මෙම තරගාවලිය පසුගිය සතියේදී වෙන්නප්පුව ඇල්බට් එෆ්. පීරිස් ක්‍රීඩාංගණයේදී පැවැත්විණ.
අර්ධ අවසන් පූර්ව වටයේදී කොළඹ කාන්තා විද්‍යාලය ගෝල 2-0 ක් ලෙසින් පරාජය කළ මියුසියස් විද්‍යාලයීය ක්‍රීඩිකාවෝ අවසන් පූර්ව තරගයේදී වෙන්නප්පුව ශුද්ධ වූ පවුලේ කන්‍යාරාමය ගෝල 1-0 ක් ලෙසින් පරාජය කරමින් අවසන් මහ තරගයට පිවිසියහ.
එම්. ජේ.එම්. නෞෂාඩ් මහතා මියුසියස් විද්‍යාලයීය කණ්ඩායම පුහුණුකරුවා ලෙසින් කටයුතු කරයි.
මියුසියස් විද්‍යාලයීය හොකී කණ්ඩායම
කෙෂානි පෙරේරා, විනුරි නානායක්කාර, මෙතුලි දහනායක, ජනුදි ගීගනගේ, පසඳි හේරත්, ඔසින්දි කත්‍රිආරච්චි, ඩිල්මි ද සිල්වා, ජන්වි කොතලාවල, සහන්ලි ධර්මසේන, ලිතුමි කන්නන්ගර, මිනුති ජයසිංහ, ශනුලි උදම්සා, නෙතුමි සමරසිංහ, වොසඳි කරුණානායක, පිනිධි ජයවර්ධන, කිනාරා හෙට්ටිආරච්චි, සඳුමි ද සිල්වා, ටෙහාරා අමුණුහේන්ගොඩ සහ චිතාරා කොනකලගල
- 213
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
