Last Update  :  2025-04-05 19:07:00 About Contact
Follow Us -
IMG-LOGO
නිවස්න පිටුව Top story ඉතාලියට පිට පිටම 8 වැනි ජාත්‍යන්තර ජය

ඉතාලියට පිට පිටම 8 වැනි ජාත්‍යන්තර ජය

editorial - 2021 ජුනි මස 06 {{hitsCtrl.values.hits}} Views 0 Comment
A A A

 

යූරෝ 2020 පාපන්දු තරගාවලියේ ‘ඒ’ කාණ්ඩය යටතේ තරග වැදීමට නියමිත ඉතාලිය සහ ‘ඩී’ කාණ්ඩය යටතේ තරග වැදීමට නියමිත චෙක් ජනරජය අතර එම තරගාවලිය ආරම්භවීමට පෙර පැවැති ජත්‍යන්තර සුහද පාපන්දු තරගයෙන් ගෝල 4-0 ක ජයක් වාර්තා කිරීමට ඉතාලිය සමත් විය.

යූරෝ 2020 පාපන්දු තරගාවලියට පෙර ඉතාලිය සහභාගී වූ අවසන් ජාත්‍යන්තර තරගය මෙය වූ අතර ප්‍රතිවාදීන්ට ගෝලයක් ලබා නොදී ඔවුන් පිට පිටම ලැබූ 8 වැනි ජයද මෙය විය. 

සිරෝ ඉමොබයිල් 23 වැනි විනාඩියේද, නිකොලෝ බැරෙල්ලා 42 වැනි විනාඩියේද ලබාගත් ගෝල සමගින් ගෝල 2-0 ක් ලෙස තරගයේ පළමු අර්ධය නිමාවන විට ඉතාලිය පෙරමුණ ගත්තේය. දෙවැනි අර්ධයේ ආරම්භ වීමෙන් පසුව ලොරෙන්සෝ ඉන්සයින් 66 වැනි විනාඩියේදීද, ‍ඩොමිනිකෝ බැරඩි 73 වැනි විනාඩියේදීද‍ ගෝල ලබාගනිමින් සිය කණ්ඩායමට ගෝල 4-0 ක ජයක් අත්කර දුන්හ.
 
මේ අතර පෘතුගාලය සහ ස්පාඤ්ඤය අතර පැවැති සුහද තරගයේදී‍ දෙපිලම ගෝල ලබාගැනීමට අසමත් වීම නිසා එම තරගය ජය පැරදුමෙන් තොරව නිමාවට පත් විය. 

අවසන් වරට 2016 වසරේදී පැවැති යූරෝ පාපන්දු තරගාවලියේ ශූරතාව දිනාගත් පෘතුගාලය මෙවර තරගාවලියේදී ‘එෆ්’ කාණ්ඩය යටතේ තරගාවලියට එක්ව සිටියි. මේ දක්වා යුරෝ පාපන්දු ශූරතා තුනක් දිනා ඇති ස්පාඤ්ඤය මෙවර ‘ඊ’ කාණ්ඩය යටතේ තරග වැදීමට නියමිතය.

යූරෝ 2020 පාපන්දු තරගාවලියට සහභාගී වීමට සූදානමින් සිටින තවත් රටවල් දෙකක් වන හංගේරියාව සහ උතුරු මැසිඩෝනියාව පිළිවෙලින් සයිප්‍රසයට එරෙහිව ගෝල 1-0 ක ජයක් සහ කසකස්තානයට එරෙහිව ගෝල 4-0 ක ජයක් වාර්තා කළහ. ලෝක පාපන්දු ශ්‍රේණිගත කිරීම් අතරේ පෙරමුණේ පසුවන බෙල්ජියම තමන් සහභාගි වූ තරගය ග්‍රීසිය හමුවේ ගෝල 1-1 ක් ලෙස ජය පැරදුමෙන් තොරව අවසන් කරගත් අතර  ෆින්ලන්තය ගෝල 1-0 ක් ලෙස ඇස්ටෝනියාව හමුවේ පරාජයට පත් විය. 


-036


අදහස් (0)

ඉතාලියට පිට පිටම 8 වැනි ජාත්‍යන්තර ජය

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.