Last Update  :  2025-04-02 12:40:00 About Contact
Follow Us -
IMG-LOGO
නිවස්න පිටුව Top story ක්‍රිකට් දිසාපාමොක් නෙල්සන් මෙන්ඩිස් චරිතාපදානය 21 දා එළිදකී

ක්‍රිකට් දිසාපාමොක් නෙල්සන් මෙන්ඩිස් චරිතාපදානය 21 දා එළිදකී

editorial - 2025 පෙබ මස 19 {{hitsCtrl.values.hits}} Views 1 Comment
A A A

(දමින්ද විජේසූරිය)

ශ්‍රී ලාංකීය ක්‍රිකට් ක්‍රීඩාවේ සදාතනික නමක් රැඳී පුහුණුකරුවකු වන නෙල්සන් මෙන්ඩිස් මහතාගේ ස්වයං ලිඛිත චරිතාපදානය වන “ඩිසිප්ලිනිං මෙනි” (බොහෝ දෙනකු හික්වීම) ලෙසින් ලබන සිකුරාදා (21 වැනිදා) පස්වරු 5.00 ට කොළඹ නාලන්දා විද්‍යාලයීය මලලසේකර ශාලාවේදී දොරට වඩී. මේ වන විට 87 වැනි වියේ සිටින නමුත් නෙල්සන් මෙන්ඩිස් මහතා තවමත් ක්‍රියාකාරී වශයෙන් ක්‍රිකට් පුහුණු තීරුවේ කටයුතු කරන්නෙකි. 

සිංගර් ශ්‍රී ලංකා සමාගමේ හිටපු සභාපති හේමක අමරසූරිය මහතා මෙම උත්සවයේ ප්‍රධාන ආරාධිතයා වශයෙන් සහභාගි වෙයි. හිටපු ටෙස්ට් ක්‍රීඩකයන් මෙන්ම මෙන්ඩිස් මහතාගෙන් ක්‍රිකට් සිප් සතර හැදෑරූ රොෂාන් මහානාම සහ මහේල ජයවර්ධන යන මහත්වරු විශේෂ ආරාධිතයෝ ලෙසින් මෙම අවස්ථාවට සහභාගි වෙති. 

1960 දශකය මුලදී කොළඹ නාලන්දා විද්‍යාලයේ ක්‍රිකට් පුහුණුකරුවකු ලෙසින් සිය පුහුණුකරු දිවිය ආරම්භ කළ මෙන්ඩිස් මහතා මේ වන විට දශක හතකට ආසන්න කාලයක් ක්‍රිකට් පුහුණුකරුවකු ලෙසින් කටයුතු කර තිබේ. ක්‍රිකට් ක්‍රීඩකයන් පුහුණුකරවීමේදී විනය සම්බන්ධයෙන් දැඩි පාලනයක් අනුගමනය කරන මෙන්ඩිස් මහතා විසින් පවත්වාගෙන යනු ලබන ‘නෙල්සන් මෙන්ඩිස් ක්‍රිකට් පුහුණු පාසල’ ඔස්සේ ක්‍රිකට් ශිල්පය ප්‍රගුණ කරගත් ක්‍රීඩකයෝ මෙන්ම ක්‍රීඩිකාවෝත් දහස් ගණනකි. 

මෙන්ඩිස් මහතා විසින්ම නම් තබන ලද “ඩිසිප්ලිනිං මෙනි” (බොහෝ දෙනකු හික්වීම) ග්‍රන්ථයේ ඔහුගේ පුහුණුකරු දිවිය පුරා විහිදුණු ආකර්ශනීය සිදුවීම් රාශියක් විස්තර කෙරේ. එම සිදුවීම් සියල්ලම පාහේ වටිනා ජීවිත පාඩම් වලින් සමන්විතය. ඇතැම් තරුණ මෙන්ම දඩබ්බර ක්‍රීඩකයන් හික්මවීමට ඔහු විසින් අනුගමනය කරන ලද උපායමාර්ග වලට අමතරව සිය වෘත්තීය දිවියේ රසමුසු සිදුවීම් වලින්ද මෙම ග්‍රන්ථය සමන්විත වේ. 

ශ්‍රී ලංකාව නියෝජනය කළ ක්‍රීඩකයෝ 28 දෙනෙක් මෙන්ඩිස් මහතා යටතේ ක්‍රිකට් සිප් සතර හදාරා තිබේ. මෙන්ඩිස් මහතාගෙන් ක්‍රිකට් ශිල්ප ලද හිටපු ක්‍රීඩකයන් මෙන්ම ක්‍රිකට් නිලධාරීන්, පුහුණුකරුවන්, විනිසුරුවරුන් සහ නාලන්දා විද්‍යාලයේ එකට සේවය කළ ගුරු මණ්ඩලයේ ගුරුවරුන්ද මෙම අවස්ථාවට සහභාගි වීමට නියමිතය. 


අදහස් (1)

ක්‍රිකට් දිසාපාමොක් නෙල්සන් මෙන්ඩිස් චරිතාපදානය 21 දා එළිදකී
  • Ahmed (Gulf) Thursday, 20 February 2025 02:27 AM

    රිච්මන්ඩ් විදුහලේ විශිෂ්ඨ ක්‍රිකට් ක්‍රීඩකයෙක් සහ ආදි සිසුවෙක්. නිදුක් නිරෝගිමත් දීර්ඝායු දිවියක් වේවා...!

    Reply 0       0


ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.