Last Update  :  2025-04-05 19:07:00 About Contact
Follow Us -
IMG-LOGO
නිවස්න පිටුව Top story චෙක් ජනරජය තවත් පෙරළියකට සැරසෙයි

චෙක් ජනරජය තවත් පෙරළියකට සැරසෙයි

editorial - 2021 ජුලි මස 03 {{hitsCtrl.values.hits}} Views 0 Comment
A A A

චෙක් ජනරජ පාපන්දු කණ්ඩායම ...

යූරෝ 2020 පාපන්දු තරගාවලියේ තෙවැනි අර්ධ අවසන් පූර්ව තරගය ශ්‍රී ලංකා වේලාවෙන් අද (3 වැනිදා) රාත්‍රී 9.30 ට ආරම්භ වන අතර එහිදී ඩෙන්මාර්කයට එරෙහිව චෙක් ජනරජය තරග බිමට පිවිසෙනු ඇත.  ඩෙන්මාර්කය මේ වන විට ලෝක පාපන්දු ශ්‍රේණිගත කිරීම්හි 10 වැනි ස්ථානයේ පසුවන අතර චෙක් ජනරජය එහි 40 වැනි ස්ථානයේ රැදී සිටියි.

මූලික වටයේදී සහභාගි වූ තරග 3 ම ජය ගනිමින් අපරාජිතව අවසන් 16 දෙනාගේ වටයට සුදුසුකම් ලැබූ නෙදර්ලන්තය, එහිදී ගෝල 2-0 ක් ලෙස පරාජය කරමින් තරගාවලියෙන් ඉවතට ඇද දැමූ චෙක් ජනරජය මෙවර තරගාවලියේ පෙරළිකාර කණ්ඩායම බවට පත්ව සිටියි. චෙක් ජනරජය හමුවේ පරාජයට‍පත්වන විට නෙදර්ලන්තය ලෝක පාපන්දු ශ්‍රේණිගත කිරීම්හි 16 වැනි ස්ථානයේ පසුවිය.

‘බී’ කාණ්ඩයේ දෙවැනි ස්ථානයට පත්වෙමින් අවසන් 16 දෙනාගේ වටයට සුදුසුකම් ලැබූ ඩෙන්මාර්කය, එහිදී ගෝල 4-0 ක්‍ලෙස වේල්සය පරාජය කරමින් අර්ධ අවසන් පූර්ව වටයට පිවිසියේය. ‘ඩී’ කාණ්ඩයේ තෙවැනි ස්ථානය හිමිකර ගනිමින් අවසන් 16 දෙනාගේ වටයට සුදුසුකම් ලැබූ චෙක් ජනරජය, අර්ධ අවසන් පූර්ව වටයට පිවිසියේ එහිදී නෙදර්ලන්තයට එරෙහිව ගෝල 2-0 ක ජයක් වාර්තා කරමිනි.

මූලික වටයේදී රුසියාවට ‍එරෙහිව ගෝල 4-1 ක ජයක් වාර්තා කළ ඩෙන්මාර්කය, බෙල්ජියම හමුවේ ගෝල 2-1 ක් ලෙසත්, ෆින්ලන්තය හමුවේ ගෝල 1-0 ක් ලෙසත් පරාජයට පත්විය. එහිදී ස්කොට්ලන්තයට එරෙහිව ගෝල 2-0 ක ජයක් වාර්තා කළ චෙක් ජනරජය, ක්‍රොයේෂියාව සමග ගෝල 1-1 ක් ලෙස සම වෙමින් එංගලන්තය හමුවේ ගෝල 1-0 ක් ලෙස පරාජයට පත්විය.

මින් පෙර ඩෙන්මාර්කය සහ චෙක් ජනරජය අවස්ථා 11 කදී එකිනෙකාට එරෙහිව තරගවැදී ඇති අතර ඉන් තරග 6 ක්ම ජය පැරදුමකින් තොරව නිමාවට පත් වී ඇත. සෙසු තරග 5 න් 3 ක ජය චෙක් ජනරජයටත්, 2 ක ජය ඩෙන්මාර්කයටද හිමිව තිබේ. ඒ අනුව චෙක් ජනරජය ජයග්‍රහණය 3-2 ක් ලෙස ඩෙන්මාර්කය වඩා ඉදිරියෙන් සිටියි.

කෙසේ වුවත් 2016 වසරේ නොවැම්බර් මාසයෙන් පසුව ඩෙන්මාර්කය සහ චෙක් ජනරජය එකිනෙකාට එරෙහිව තරග වැදී නොමැති අතර මෙම තරගයේදී ඔවුන් එකිනෙකා හමුවන්නේ වසර 5 කට පසුවය. අවසන් වරට දෙටර අතර පැවැති තරගය ජාත්‍යන්තර සුහද පාපන්දු තරගයක් වූ අතර එයද ගෝල 1-1 ක් ලෙස ජය පැරදුමකින් තොරව නිමාවට පත් වී ඇත.

අවසන් වටර චෙක් ජනරජය පරාජය කිරීමට ඩෙන්මාර්කය සමත්ව ඇත්තේ 2013 වසරේ මාර්තු මාසයේදී වන අතර ලෝක කුසලාන පාපන්දු තරගයක් ලෙස පැවැති එම තරගයෙන් ගෝල 3-0 ක් ලෙස ඩෙන්මාර්කය ජය ලැබීය. ඩෙන්මාර්කයට එරෙහිව තරගයක් ජයගැනීමට චෙක් ජනරජය සමත්ව ඇත්තේ මීට වසර 17 කට පමණ ඉහතදී වන අතර ඒ ගෝල 3-0 ක් ලෙස 2004 වසරේ ජූනි මාසයේදී පැවැති ‍යූරෝ පාපන්දු තරගයකදීය.

මෙම තරගයෙන් ජය ලබන කණ්ඩායම මේ මස 7 වැනිදා පැවැත්වෙන දෙවැනි අවසන් පූර්ව තරගයේදී යුක්රේනයට හෝ එංගලන්තයට එරෙහිව තරග වැදීම සඳහා අවස්ථාව උදා කරගනු ඇත. යුක්රේනය සහ එංගලන්තය අතර පැවැත්වෙන අර්ධ අවසන් පූර්ව තරගය ශ්‍රී ලංකා වේලාවෙන් හෙට (4 වැනිදා) අළුයම 12.30 ට ආරම්භ වේ.


ඩෙන්මාර්ක් පාපන්දු කණ්ඩායම ...

-036


අදහස් (0)

චෙක් ජනරජය තවත් පෙරළියකට සැරසෙයි

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.