Last Update  :  2025-04-02 12:40:00 About Contact
Follow Us -
IMG-LOGO
නිවස්න පිටුව Top story තර්ස්ටන් - ඉසිපතන මහ ක්‍රිකට් තරගය 21දා සිට
මහ ක්‍රිකට් තරග

තර්ස්ටන් - ඉසිපතන මහ ක්‍රිකට් තරගය 21දා සිට

editorial - 2025 පෙබ මස 19 {{hitsCtrl.values.hits}} Views 0 Comment
A A A

(ශානුක අරවින්ද) 

කොළඹ තර්ස්ටන් විදුහල සහ ඉසිපතන විදුහල විදුහල අතර බ්ලැක්හැම් විජේවර්ධන අනුස්මරණ කුසලාන වෙනුවෙන් පැවැත්වෙන 62 වැනි සහෝදරයන්ගේ සටන වාර්ෂික මහ ක්‍රිකට් තරගය අනිද්දා (21 වැනිදා) සිට 23 වැනිදා දක්වා කොළඹ එස්.එස්.සී. ක්‍රීඩාංගණයේදී පැවැත්වේ. 

එම තරගයට සමගාමීව ඩබ්ලිව්.ඒ. ද සිල්වා අනුස්මරණ කුසලාන වෙනුවෙන් පැවැත්වෙන 45 වැනි වාර්ෂික එක්දින තරගය මාර්තු මස 9 වැනිදා පී. සරවනමුත්තු ක්‍රීඩාංගණයේදීද, ප්‍රියා පරණවිතාන අභියෝග කුසලාන වෙනුවෙන් පැවැත්වෙන 18 වැනි විස්සයි-20 තරගය මාර්තු මස 2 වැනිදා කොළඹ කෝල්ට්ස් ක්‍රීඩාංගණයේදීද පැවැත්වීමට නියමිතය.  

මෙවර මහ ක්‍රිකට් තරගයේදී තර්ස්ටන් විදුහල් කණ්ඩායම මෙහෙයවීමේ වගකීම තනුග පළිහවඩනට පැවරී ඇති අතර එහිදී ඉසිපතන විදුහල් කණ්ඩායම මෙහෙයවනු ලබන්නේ ලෙසඳු කල්පගේ විසිනි. මෙවර අන්තර් පාසල් දෙදින ක්‍රිකට් තරගාවලියේ පළමු කොටසේ ‘ඒ’ තලයේ අවසන් පූර්ව තරගයකදී මෙම කණ්ඩායම් දෙක මුහුණට මුහුණ හමුවූ අතර එහිදී ජය ලැබුවේ තර්ස්ටන් කණ්ඩායමය. 

දෙවිදුහල් අතර මෙතෙක් පැවති මහ ක්‍රිකට් තරග 61 දී ජයග්‍රහණ 6 ක් අත්කර ගැනීමට තර්ස්ටන් විදුහල සමත්ව ඇති අතර ඉසිපතන විදුහල තරග 4 ක් ජයගෙන තිබේ. තරග 50 ක් ජය පැරදුමෙන් තොරව අවසන් වී ඇති අතර එක් තරගයක් අතහැර දමා තිබේ. 

මීට වසර 6 කට පෙර එනම් 2019 වසරේදී සඳරු ඩයස්ගේ නායකත්වය යටතේ තර්ස්ටන් විදුහල මහ ක්‍රිකට් තරගය ජයගැනීමට සමත්ව ඇති අතර ඉසිපතන විදුහල අවසන් වරට මහ ක්‍රිකට් තරගයක් ජයගෙන ඇත්තේ මීට වසර 26 කට එනම් 1999 වසරේ පෙර ක්‍රිෂාන්ත ජයවර්ධනගේ නායකත්වය යටතේය. 

තර්ස්ටන් විදුහල වෙනුවෙන් මෙවර තරග වාරයේ ඉනිම් 14 ක් තුළ අර්ධ ශතක 5 ක් සමග ලකුණු 507 ක් රැස්කිරීමට රචින්ද ද සිල්වා සමත්ව සිටින අතර පැතුම් ධනංජය අර්ධ ශතක 2 ක් සමග ලකුණු 390 ක්ද, දිනාල් ඉඳුවර අර්ධ ශතක 2 ක් සමග ලකුණු 350 ක්ද ලබා සිටිති. තර්ස්ටන් විදුහලේ පන්දු යැවීමේ බළෑණිය ශක්තිමත් කරන නායක තනුග පලිහවඩන ඉනිම් 13 කදී කඩුලු 32 ක්ද, සෙත්රු ප්‍රනාන්දු ඉනිම් 8 කදී කඩුලු 27 ක්ද බිඳහෙළා ඇත. 

මෙවර තරග වාරයේදී ඉසිපතන විදුහල වෙනුවෙන් වැඩිම ලකුණු ලාභියා බවට පත්ව සිටින නායක ලෙසඳු කල්පගේ ඉනිම් 16 කදී අර්ධ ශතක 5 ක් සමග ලකුණු 456 ක් ලබා සිටින අතර රුචිත් රොද්‍රිගූ අර්ධ ශතක 2 ක් සමග ලකුණු 382 ක්ද, නවිඳු උමෙත් අර්ධ ශතකයක් සමග ලකුණු 361 ක්ද ලබා සිටිති. මෙනුල සදෙව් ඉනිම් 16 කදී කදී කඩුලු 50 ක් දවාගනිමින් ඉසිපතන විදුහලේ වැඩිම කඩුලු ලාභියා බවට පත්ව සිටියි. 


තර්ස්ටන් විදුහල් සංචිතය 
තනුග පළිහවඩන (නායක), දිනාල් ඉඳුවර, සෙත්රු රාජපක්ෂ, රිසොන් ජැන්සන්, රචින්ත ද සිල්වා, විහස් තෙව්මික, පැතුම් ධනංජය, හිරුෂාන් ඩයස්, සචින් ප්‍රේමසිංහ, යොවුන් සිල්ප, ලසිඳු පුන්සර, කෙමිත් සෙචින්ත, ගඟන පෙරේරා, ජනිත රුක්ෂාන්, සන්විඳු දිසානායක, සෙමික රත්නසිරි, රවීන් තරුෂික, තිසෙන් වික්‍රමරත්න, ජනුල් දම්හිරු, බිනූප තත්මිර 

 

 

 

ඉසිපතන විදුහල් සංචිතය  
ලෙසඳු කල්පගේ (නායක), චනුල් දිනොත්, මලීෂ සඳරුවන්, දිමුතු තරක, මෙනුල සදෙව්, දසිත් පෙරේරා, නවිඳු උමෙත්, යසිරු අභිෂේක්, තිතිර සන්සිර, මොහොමඩ් අස්ජාඩ්, යෙෂිඳු මනීෂ, සෙනුජ රහල් සහ විඳුන් ගෙනුර 

 

අදහස් (0)

තර්ස්ටන් - ඉසිපතන මහ ක්‍රිකට් තරගය 21දා සිට

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.