(ශානුක අරවින්ද)
කොළඹ තර්ස්ටන් විදුහල සහ ඉසිපතන විදුහල විදුහල අතර කොළඹ එස්.එස්.සී. ක්‍රීඩාංගණයේදී පැවැති 62 වැනි ‘සහෝදරයන්ගේ සටන’ වාර්ෂික මහ ක්‍රිකට් තරගය කඩුලු 10 කින් ජය ගැනීමට තර්ස්ටන් විදුහල සමත් විය.
තර්ස්ටන් විදුහල අවසන් වටර පසුව ‘සහෝදරයන්ගේ සටන’ ජය ගෙන තිබුණේ මීට වසර 6 කට පෙර 2019 වසරේදී වූ අතර ඒ සඳරු ඩයස්ගේ නායකත්වය යටතේය. මෙවර ඔවුන් ‘සහෝදරයන්ගේ සටන’ ජයගත්තේ 7 වැනි වරටය.
එහිදී තර්ස්ටන් විදුහලේ ජනිත් රුක්ෂාන් දක්ෂතම පිතිකරුවා ලෙසත්, දිනාල් ඉඳුවර දක්ෂතම ප්‍රවේගකාරී පිතිකරුවා ලෙසත්, රචින්ත ද සිල්වා දක්ෂතම පන්දු යවන්නා ලෙසත්, මලීෂ සඳරුවන් දක්ෂතම පන්දු රකින්නා ලෙසත් සම්මාන දිනාගත් අතර සෙත්රු ප්‍රනාන්දු තරගයේ වීරයා ලෙස සම්මාන ලැබීය.
ජයග්‍රහණය සඳහා ලකුණු 51 ක ඉලක්කයක් හඹාගිය තර්ස්ටන් ක්‍රීඩකයෝ කිසිවකු නොදැවී ඉලක්කය පසුකර ගියහ. එහිදී දිනාල් ඉඳුවර හයේ පහර 3 ක් සහ හතරේ පහර 3 ක් සමග නොදැවී ලකුණු 38 ක්ද, තනූජ රාජපක්ෂ හතරේ පහර 4 ක් සමග නොදැවී ලකුණු 16 ක්ද රැස්කරමින් සිය කණ්ඩායමේ ජයග්‍රහණය තහවුරු කළහ.
ලකුණු 54 ක් පසුපසින් සිටිමින් දෙවැනි ඉනිම ඇරඹු ඉසිපතන විදුහලට සෙත්රු ප්‍රනාන්දු ප්‍රමුඛ තර්ස්ටන් පන්දු යවන්නන්ගේ දක්ෂ පන්දු යැවීම හමුවේ සියලු දෙනා දැවී ලබාගත හැකි වූයේ ලකුණු 104 ක් පමණි. එහිදී සෙත්රු ලකුණු ලකුණු 34 කට කඩුලු 5 ක් දවාගත් අතර ඉසිපතන දෙවැනි ඉනිම අඩු ලකුණු සංඛ්‍යාවකට සීමා කිරීම සඳහා ඔහුට අනගි සහායක් දුන් විහස් තෙව්මික ලකුණු 33 කට කඩුලු 3 ක් බිඳහෙළුවේය.
පළමුවෙන් පන්දුවට පහරදුන් ඉසිපතන විදුහල ලබාගත් ලකුණු 203 ට පිළිතුරු වශයෙන් තර්ස්ටන් විදුහල සිය පළමු ඉනිම වෙනුවෙන් ලකුණු 257 ක් ලබාගතේය. එහිදී ජනිත් රුක්ෂාන් ලකුණු 77 ක් රැස්කළ අතර ඉන් ලකුණු 40 ක්ම හතරේ පහරවලින් ලබාගත් ලකුණු විය. ඉසිපතන විදුහල වෙනුවෙන් පන්දුවෙන් දස්කම් දැක්වූ මෙනුල සදෙව් ලකුණු 92 කට කඩුලු 5 ක් බිඳහෙළුවේය.
ඉසිපතන පළමු ඉනිම - ඕවර 81.1 කදී සියලු දෙනා දැවී 203
(නවිඳු හෙට්ටිආරච්චි 20, රුචිත රොද්‍රිගූ 16, මලීෂ සඳරුවන් 21, රන්මිත් සේනාරත්න 22, ලෙසඳු කල්පගේ 15, චනුල් දිනෝත් 40, මොහොමඩ් අස්ජාඩ් 27, රචින්ත ද සිල්වා 46/6, විහස් තෙව්මික 49/2)
තර්ස්ටන් පළමු ඉනිම - ඕවර 91.3 කදී කඩුලු 9 ක් දැවී 257
(දිනාල් ඉඳුවර 42, තනූජ රාජපක්ෂ 21, විහස් තෙව්මික 23, පැතුම් ධනංජය 42, ජනිත් රුක්ෂාන් 77, යොවුන් සිල්ප නොදැවී 20, මෙනුල සදෙව් 92/5, මොහොමඩ් අස්ජාඩ් 47/3)
ඉසිපතන දෙවැනි ඉනිම - ඕවර 51.3 කදී සියලු දෙනා දැවී 104
(මලීෂ සඳරුවන් 21, රන්මිත් සෙනරත් 41, සෙත්රු ප්‍රනාන්දු 34/5, විහස් තෙව්මික 33/3)
තර්ස්ටන් දෙවැනි ඉනිම - ඕවර 7.4 කදී කිසිවකු නොදැවී 54
(දිනාල් ඉඳුවර නොදැවී 38, තනූජ රාජපක්ෂ නොදැවී 16)
(ඡායාරූප - ඉසුරු පෙරේරා)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
